Vadivelu As Encounter Ekambaram (Special Video) Sinhala Subtitles | වඩිවේලුගේ එන්කවුන්ටර් ඒගාම්බරම් චරිතය [සිංහල උපසිරසි සමඟ]

සුභ දවසක් වේවා බයිස්කෝප් සිංහලෙන් රසික රසිකාවියනි.! අදත් එහෙනම් විශේෂිත නිර්මාණයක් සමඟිනුයි ඔබලා හමුවෙන්නට ආවේ.! පසුගිය මැයි 12 වෙනිදා බයිස්කෝප් සිංහලෙන් වෙබ් අඩවිය විසින් Vadivelu aka Contractor Nesamani වඩිවේලු නොහොත් Contractor නේසමනි යන වීඩීයෝව සඳහා සිංහල උපසිරැසි සකසා ඉදිරිපත් කලා දකුණු ඉන්දියේ දමිළ සිනමාවේ විකට නළුවකු වන Vadivelu ගේ රංගන දිවියේ සුවිශේෂි චරිතයක් වූ නේසමනි යන චරිතය සම්බන්ධ විකට ජවනිකා සියල්ලම එම වීඩියෝවේ තිබුණා, වෙනදා මෙන් බාගත කිරීම් සංඛ්‍යාව වැඩි වශයෙන් නොතිබුණත් පෞද්ගලිකව සහ Comments මඟින් එයට ලැබුණු ප්‍රතිචාර ගැන සලකා බලා තවත් එවැනිම නිර්මාණයක් ඉදිරිපත් කරන්නටයි මේ සූදානම. එනමුත් අද ඉදිරිපත්කරනු ලබන මෙම විකට ජවනිකා අඩංගු විඩියෝව ගැන විස්තර ඉදිරිපත් කිරිමට මත්තෙන් විශේෂ යමක් කිවයුතුයි. ඒ බයිස්කෝප් සිංහලෙන් හා නිරතුරුවම අත්වැල් බැඳන් සිටිනා රසිකයින් විසින් වඩිවේලුගේ නේසමනි චරිතය ගැන මෙන්ම දමිළ සිනමා පටයක සුප්‍රසිද්ධ වූ විකට ජවනිකාවක් සඳහා සිංහල උපසිරැසි ලබාදීම ගැන බයිස්කෝප් සිංහලෙන් රසිකයින් කිහිපදෙනකු විසින් ලියා තැබු වටිනා අදහස් දැක්ම ගැන…

සිංහල උපසිරැසිකරණයේ මහ ගෙදර බයිස්කෝප් සිංහලෙන් නිරතුරුවම ඔබට එතෙර සිනමාව ලඟා කර දී ඇතැම් අවස්ථාවලදි දැනුමින් පවා ඔබව පෝෂණය කරනවා. එවන් කටයුතු අපි කණ්ඩායම විසින් සිදුකරනු ලබන්නෙ කිසිදු ලාභ උපේක්ෂාවකින් තොරව බව බයිස්කෝප් සිංහලෙන් රසික රසිකාවියන් වන ඔබ හොඳින් දන්නා කරුණක්.! එවැනි අපරිමිත කැපකිරීමක් සිදු කරන උපසිරැසිකරුවකුට ප්‍රේක්ෂකයකුගෙන් ලැබෙන උතුම්ම දායාදය,අගය කිරිම මෙන්න ගෞරවයන් ලෙස ඉහත ඔබ විසින් දක්වා ඇති අදහස් දැක්වීම හදුන්වා දෙන්නට පුලුවන්.! සිංහල උපසිරැසියක් ලබාදුන් පසු බාගත කිරීම් අහස උසට තිබුණත් එම කාර්ය්‍ය වෙනුවෙන් යම් අගය කිරීමක් අකුරු ටිකකින් හෝ දෙන්නෙ කීයෙන් කීදෙනාද.? එහෙම කිව්වම අතැම් අයට කාල වේලා ප්‍රශ්න ගැන කියයි.! නමුත් තමන් වෙනුවෙන් යමෙක් වෙහෙස මහන්සි වී සේවයක් කරන්නේ නම් තමන්ටද ඒ දෙයින් ප්‍රයෝජනයක් ලබාගැනීමට හැකි නම් ප්‍රයෝජනයක් ලබා ගන්නේ නම් ඒ සඳහා වචනයක් වැය කර ඔවුන්ගේ සිතට අහිංසක සතුටක් ඇතිවෙන ආකාරයේ වචනයක් ලියා තැබීමට කාල වේලාව ගැටලුවක් වේද.? උත්තරය ඔබ සතුයි.! ඉහතින් උපුටා දක්වා තිබෙනා අදහස් දැක්වීම් වලින් මා කීමට උත්සහ කරන්නේ උපසිරැසිකරුවන් වන අපගේ මහන්සිය නිකන්ම වතුරේ නොයන බවත් බයිස්කෝප් සිංහලෙන් සමඟින් නිරතුරුවම එකතුව සිටිනා රසික රසිකාවියන් අතරින් අල්පයක් හෝ අප ඉදිරිපත් කරන නිර්මාණයන් හි වටිනාකම හොඳින් අවබෝධකරගෙන ඇති බව මෙන්ම ඔවුන්ගේ සිනමා සහ කලා රසවින්ඳන මට්ටමද ඉතාමත් ඉහලින් ඇති බවට ඔවුන්ම මනාව ඔප්පු කර ඇති බවත්ය..! නැවතත් මා බයිස්කෝප් සිංහලෙන් ප්‍රේක්ෂක ඔබට මතක් කර සිටින්නෙ සිංහල උපසිරැසි බාගතකර ගන්නා රසිකයකුගෙන් අපගේ උපසිරැසිකරුවන් බලාපොරොත්තු වෙන වටිනාම දේ නම් තමන් වෙහෙස වී සකසන ලද නිර්මාණය රසවිඳිනා රසිකයින්ගේ නිවැරදි අව්‍යාජ අදහස් දැක්වීම බවය.!

වඩිවේලු එන්කවුන්ටර් ඒගාම්බරම් චරිතය රඟදක්වමින්..!

දමිළ සිනමාවේ අසහාය විකට නළු වඩිවේලුගේ තවත් විකට ජවනිකා කිහිපයකට අදත් සිංහල උපසිරැසි ගන්වා ඔබට මෙලෙසින් ඉදිරිපත් කරනවා.මෙම උපසිරැසියට සරිලන වීඩියෝව ඔබට බයිස්කෝප් ඩවුන්ලෝඩ් අඩවියෙන් බාගතකර ගත හැකි අතරම ඔබ යූටියුබ් අඩවිය භාවිතාකරන කෙනෙකු නම් Marudhamalai Full Comedy – Vadivelu & Arjun Tamil Movie Station ලෙසින් හෝ සිංහල උපසිරැසි ගොනුවේ තිබෙන නම යූටියුබ් අඩවියෙහි සෙවිමක් කල පසු ලැබෙන ලැයිස්තුවෙන් Tamil Movie Station නම් වූ යූටියුබ් චැනලයේ ඇති විනාඩි 46 යි තප්පර 58කින් යුතු (46.58) වීඩියෝව බාගතකර ගන්න. අද ගෙන එන විකට ජවනිකා ඇතුලත් වන්නෙ 2007 වසරේ තිරගතවුන Marudhamalai දමිළ චිත්‍රපටය තුලයි. විනාඩි 46 ක් පුරාවට ඉල ඇදෙන තුරු සිනාසීමට හැකි මෙයද දකුණු ඉන්දීය චිත්‍රපටයන් හි විකට ජවනිකා ප්‍රියකරන ඔබ අනිවාර්යෙන්ම රසවිඳින බව නම් ඒකාන්තයි.ඔබගේ වටිනා අදහස් මෙය නරඹාම දක්වන ලෙසට ඉල්ලා සිටිමින් අදට සමුගන්නවා.

ඔබ සැමට කඳ සුරිඳු පිහිටයි.!