Under the Banner of Heaven [ E06] Sinhala Subtitles | හුදෙකලා සටනක්… [සිංහල උපසිරසි]

අවසාන එපිසෝඩ් එකට කලින් එපිසෝඩ් එකටයි මේ උපසිරසි අරගෙන එන්නේ. මේ 6 වෙනි එපිසෝඩ් එක නම් කරලා තියෙන්නේ ‘Revelations’ හෙවත් ‘දේවවාක්‍ය’ කියලා. මේකෙදී අපට වැඩි වශයෙන් එළි කරන්නේ බ්‍රෙන්ඩා සහ රොන් ගැනයි.

කලින් එපිසෝඩ් එක ගැන කියනවා නම්, බිෂොප් ලෝ හෙළි කරානේ රොන්ව සහ ඩෑන්ව ආගමෙන් නෙරපූ බව. ඩෑන්ව ආගමෙන් නෙරපන්න හේතුව තමයි එයා FLDS සංකල්ප විශ්වාස කරන්න පටන් අරගෙන එයාගේ සුළු දූලා දෙන්නවම කසාද බැඳගන්න හදපු එක. රොන්ව ආගමෙන් නෙරපුවේ එයාගේ බිෂොප්ට තර්ජනය කිරීම හා බිරිඳ සමඟ ආරවුල්වල පැටලීම කියන චෝදනාවලින්. ඉතින් ආගමෙන් නෙරපන එක කොච්චර දරුණු දෙයක්ද කියලා අපි දැක්කනේ. ඒවගේම රොන්ට ගෙදරින් යන්න සිද්ධ වුණු විදියත්, ‘ප්‍රොෆට්වරුන්ගේ පාසල’ ගැනත්, ඕනායස් කියලා ප්‍රොෆට් කෙනෙක් ගැනත් බ්‍රේඩි හෙළි කරානේ. ජෙබ් සහ ටාබා ‘ගොවිපළ’ට ගිය විදියටත්, ඒකෙදී ලේ වගුරවන්න නියමිත අයගේ ලැයිස්තුවත් හම්බවුණා මතක ඇතිනේ. ඒවගේම එපිසෝඩ් එක අවසානයේදී රොන්, එයා තමයි දෙවියන්ගේ ගැළවුම්කාරයා හෙවත් ‘ශක්තිවන්තයා’ කියලා විශ්වාස කරන්න ගත්තා.

මේ එපිසෝඩ් එකෙන් අභිරහස බාගයක් දුරට ලිහනවා. ඒවගේම අලුත් සක්ෂිකාරයෝ දෙන්නෙකුත් හඳුන්වලා දෙනවා. ඉතින් ඒත් එක්කම, අපි කතා මාලාවේ අවසාන එපිසෝඩ් එකටත් ළං වෙනවා. එහෙනම්, ඒ කොටසින් ඉක්මනින්ම හමුවෙමු. සුබ දවසක්.

පීස් ✌️

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.