Traded (2016) with Sinhala Subtitles | දිනන්නේ කුමන වෘකයාද? [සිංහල උපසිරසි සමඟ]

කොහොමද ඔයාලට. මේ පාර අරන් ආවේ 2016 නිකුත් වුනු නවතම සිනමා පටයක්. මේක ඇමරිකානු වෘතාන්තයක්. කවුබෝයි යුගයේ වෙච්ච සිදුවීමක් ඇසුරින් තමයි චිත්‍රපටය නිර්මාණය වෙලා තියෙන්නේ.

ඇමරිකාවේ සිවිල් ‍යුද්ධයට පසු ලින්කන් පාලනයද අවසන් වුන කාලයේ තමයි මේක සිද්ද වෙන්නේ. මේ කාලයේ ලොව පැරණිම රැකියාව ලෙස හඳුන්වන ගණිකා වෘත්තිය ඇමරිකාවේ සරුවට ක්‍රියාත්මක වෙන කාලෙ. වැඩි වශයෙන්ම බටහිර ප්‍රදේශ වල. ඉතින් මේ වෙනුවෙන් කාන්තාවන් බලහත්කාරයෙන් රැගෙන යාම සිද්ද වෙනවා. ට්‍රෑවේස්, ළමයි දෙන්නෙක්ගේ තාත්ත කෙනෙක්. එක ළමයෙක් අවාසනාවන්ත ලෙස මිය යනවා. ඉතින් එයාලා අනිත් ළමයව ගොඩක් පරිස්සම් කරනවා. ඒත් එයාට කවදා වෙනකම් ඇයව පරිස්සම් පුලුවන් වෙයිද? දවසක් එකපාරටම උදේ ගෑනු ළමයා අතුරුදන් වෙලා. එයා ගෙදරින් පැනලා ගිහින්. එයා යන්නේ වෙනත් අරමුණක් ඇතිව. ඒත් නොදන්න ලෝකෙදි එයාවත් ජාවාරම් කාරයන්ට බිලිවෙයිද? ට්‍රෑවේස් දුවට ගොඩාක් ආදරෙයි. එයා යනවා, මොන විදිහකට හරි ඇයව සොයාගැනීමේ ස්ථිර අදිටන ඇතිව. මේ නගර බීමත් දාමරිකයන් ගෙන් පිරිලා. හැම වෙලාවකම වෙඩි හුවමාරුවකට සූදානමින් තමයි ඉන්නේ. මේ පලාත් වල මැස්සෝ ගානට ගණිකාවෝ. මොහුට අහන්න ලැබෙනවා අවන්හලක තරුණියක් ගීතයක් ගායනා කරනවා. ඒ ගීතයට එයාගේ දුවත් නිතර මුමුනන එකක්. දුව අවන්හලේ ඉන්නවද? අවන්හලත් නරක තැනක් කියලා එයා දැනගන්නවා. එයාගේ ගමන තවත් ගොඩක් දිගයි. හොඩුවාවල් අහුලමින්, ගම් නගර පසුකරමින් ඔහු යන මේ ගමනේදී මිතුරන්, සතුරන්, උණ්ඩ, රෝසමල්…. විවිද දේවල් වලට මුහුණ දෙන්න වෙනවා. කිසිවෙකුත් විශ්වාස කල නොහැකි අඩවියක, තම දිවි දෙවනිකොට තම දියණිය සෙවීමට යන ගමන මොන වගේ වෙයිද… අවසානයේ ජය ගන්නේ කුමන වෘකයාද?

වෘක ආත්ම දෙකක් සෑම කෙනෙක් තුලම ජීවත් වෙයි. එකක් වියරුව සහ ද්වේෂයයි, අනෙක ආදරය සහ බලාපොරොත්තුවයි. දිනන්නේ කුමන ආකාරයද?

මේක මගේ හයවෙනි උපසිරැසි නිර්මාණය. මේක ටිකක් ඉක්මනට ඉවර කරන්න පුලුවන් උනා. ඉතින් යාලුවනේ ඔයාලා දන්නවනේ ආසන්න කාලවලදී සිදුකරපු දෙවන ටොරෙන්ට් වෙබ් අඩවි තහනම් කිරීමත් සිදුවෙලා. ටොරෙන්ට් වලට නරක කාලයක් වගේ… එහෙනම්, තවත් නවතම චිත්‍රපටයක් සමග ඔබ හමුවෙන බලාපොරොත්තුවෙන් මම නවතිනවා.

ඔබ සැමට තෙරුවන් සරණයි..!

Due to copyright issues, we do not provide any torrent link.

Traded.2016.720p.BRRip.x264.AAC-ETRG

මෙම ලබා දී ඇති උපසිරැසිය ඉහත පිටපත සඳහා අදාළ වේ.

[author] [author_image timthumb=’on’]http://www.baiscope.lk/wp-content/uploads/2016/05/Ishara-Sampath.png[/author_image] [author_info]මේ ලබා දී ඇති සිංහල උපසිරැසි පිළිබද “ඉෂාර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]