The Dressmaker (2015) with Sinhala Subtitles | පුනරාගමනය [සිංහල උපසිරසි සමඟ]

කොහොමද ඉතින්. ඔන්න තව එකක් අරන් ආවා. මේ ටිකේ නම් දිගටම සබ්ටයිට්ල් තමයි. මේක කරලා පොඩි රෙස්ට් එකක් ගන්නයි කල්පනාව. චිත්‍රපටි තොරගද්දී අවදානය යොමු නොකරා වුනාට, දැනට කරපු හැම චිත්‍රපටියේම සිදුවීම් පෙල ගැසෙන්නේ නිළියක් වටේ. තවත් හොඳ ෆිල්ම් ඉස්සරහටත් ඔයාලට අරන් එන්න බලාපොරොත්තු වෙනවා. කතාව පැත්තට හැරෙමුකෝ,

The Dressmaker, 2015 තිරගත වුනු ෆිල්ම් එකක්. ෆිල්ම් එකේ ප්‍රධාන නිලිය නිසා ෆිල්ම් එක විෂේශයි. අපි හැමෝම ආදරය කරන Kate Winslat නැත්නම් Titanic එකේ රෝස් තමයි මේකෙ ප්‍රධාන චරිතයට පණ පොවන්නේ. මේ කතාව සිද්ධ වෙන්නේ ඕස්ට්‍රෙලියාවේ ප්‍රධාන නගර වලින් ඈත වගාබිම් මැදිකරගෙන තියෙන කුඩා නගරයක. මේ නගරයේ ජීවත්වන මිනිසුන් හරිම වෙනස්. එකිනෙකාටම ආවේනික අමුතු ජීවන රටවක් ගෙවන අය. ටිලී අවුරුදු 25කට පස්සේ ආයිත් ගමට එනවා.  ටිලී නැත්නම් මට්ල් ඩනේජ් ශාපයකට ලක්වුනු දැරියක් ලෙස සලකලා එයාව ගමෙන් පිටුවහල් කරල තිබුනේ.  මේ ගමේ ඉන්න කට්ටිය බොහොම පැරණි අඳුම් මෝස්තර පාවිච්චි කරන්නේ. ටිලී පැරිසියේ ඉඳන් ඉගෙනගන ආපු ඇඳුම් නිර්මාණ හැකියාව යොදාගෙන නගරේ කාන්තාවන්ට අඳුම් නිර්මාණය කරනවා. ඒ වගේම එයාගේ ආගමනයේ අරමුණක් තමයි එයා ශාපයකට ලක්වුනා කියලා ගමෙන් පිටුවහල් කරන්න හේතු වෙච්ච මිනීමරුම සම්බන්දයෙන් අත්ත දැනගන්න. එයා දන්නේ නෑ එයා ඇත්තටම අවුරුදු 10ක පිරිමි ළමයෙක්ව මැරුවද කියලා. ගමට ඇවිත් එයා කරන වෙනස්කම් එක්ක ගමේ හරි හරි දේවල් සිද්ද වෙනවා. ගමේ ජීවත් වෙන්නේ එයාගේ අම්මා. එයාටත් ටිකක් පිස්සු. මේ මිනීමැරුම ගැන සියලුමදේ දන්න කෙනෙක් ඉන්නවා ඒත් එයා නිශ්ශබ්දයි. ඉතින් මොකද වෙන්නේ කියල දැනගන්න ඕනේ නම් චිත්‍රපටිය බලන්න.

Kate එක්ක මේකේ ප්‍රධාන නලුවගේ චරිතයට රඟපාන්නේ Laim Hemsworth ( The Hunger Games: Mockingjay 1, 2 – Gale Hawthorne). තව විදියකට කියනවා නම් Miley Cyrus ගේ සැමියා. මේ චිත්‍රපටයේ IMDb අගය 7.1ක්. රූප ගතකිරීම් කරලා තියෙන්නේ ඕස්ට්‍රේලියාව පදනම් කරගෙන. චිත්‍රපටය වෙනුවෙන්ම නිර්මාණය වුනු ගම්මානයක තමයි රූගත කිරීම් කරලා තියෙන්නේ.. මේ චිත්‍රපටයට පාදකවෙලා තියෙන්නේ ඕස්ට්‍රේලියානු ගත්කතුවරයෙකු වන Rosalie Ham විසින් රචිත The Dressmaker කියන නවකතාව.

ඉතින් මේක විනෝදාත්මක, සංවේදී, ආදරණීය.. ෆිල්ම් එකක්. හැමෝටම රසවිඳින්න කියලා ආරාධනා කරනව. තවත් චිත්‍රපටයකින් හම්බවෙමු.

ඔබට ජය!!

Due to copyright issues, we do not provide any torrent link.

මෙම ලබා දී ඇති උපසිරැසිය සියළුම Blu-Ray පිටපත් සඳහා අදාළ වේ.

[author] [author_image timthumb=’on’]http://www.baiscope.lk/wp-content/uploads/2016/05/Ishara-Sampath.png[/author_image] [author_info]මේ ලබා දී ඇති සිංහල උපසිරැසි පිළිබද “ඉෂාර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]