The Boys [S04: E01] Sinhala Subtitles | දහජරා උපක්‍රම [සිංහල උපසිරසි] 18+

The Boys Season 04

ඔන්න එහෙනම් සුවහසක් සුපිරිවීර රසිකයන් ඇඟිලි ගනිමින් බලාගෙන ඉන්න The Boys කතා මාලාවේ 4 වෙනි කතා සමය නමෝවිත්තියෙන් ආරම්භ කරන්නයි මේ සූදානම. එපිසෝඩ් 8 කින් සමන්විත වෙන මේ සීසන් එකේ එපිසෝඩ් 3ක් අද Prime Studios විසින් නිකුත් කරනු ලැබුවා. ඒවගේම මේ වෙනකොට සීසන් 5 හෙවත් අවසන් සීසන් එක renew කරලත් ඉවරයි. ඒකෙන්ම පේනවනේ සීසන් එක ගැන Amazon ලගෙ තියෙන confidence එක. එහෙනම් ඔන්න මහ වෙලාවක් යන්න කලින් පළවෙනි එපිසෝඩ් එකේ සබ් එකත් ගෙනාවා.

Marvel සහ DC සුපිරිවීර චිත්‍රපටිවල සහ ටීවී සීරිස්වල පුරෝගාමියෝ වුණාට දැන් අවුරුදු බර ගාණක් තිස්සේ එකම formula එක රිපීට් කර කර ඉන්න නිසා රසිකයින්ට පවා සුපිරිවීරයෝන්ගේ තිබුණ ආකර්ෂණය නැති වෙලා ගියා කියන්න පුළුවන්. මේකට “superhero fatigue” කියලා නමක් පවා පටබැඳුණා. ඉතින් ඔන්න ඔය අතරේ තමයි Amazon Prime superhero genre එකට enter වෙන්නේ. 2019 දී නිකුත්වුණු The Boys කතා මාලාව විසින් සුපිරිවීරයින් ගැන රසික හිත්වල තිබුණු රූපය කනපිට හැරෙව්වා.

Gore සහ violence පිරුණු මේ කතා මාලාව 18+ ඕඩියන්ස් එක ටාගට් කරගෙන දැවැන්ත සාර්ථකත්වයක් ලැබුවා. කතාවට පාදක වුණේ 2006 ඉඳන් 2012 වෙනකන් පළවුණු The Boys කියන issues 72 කින් සමන්විත කොමික් පෙළයි. සීරිස් එක මේ ටික පාදක කරගත්තට කතාව නම් සෑහෙන්න වෙනස් කරල තියෙනවා. මගේ මතය නම් නිර්මාණයක් විදියට ගත්තම සීරිස් එක කොමික් ටිකට වඩා සෑහෙන්න හොඳයි කියන එකයි.

ඔය මදැයි සීරිස් එක ගැන විස්තර. අපි තුන්වෙනි කතා සමය එහෙනම් ඉක්මනට සාරාංශ කරමුකෝ. තුන්වෙනි සීසන් එකේ ලොකු අවධානයක් යොමු වෙලා තිබුණ දේවල් තුනයි; බුචර් සහ හෝම්ලෑන්ඩර්ගේ පුතා වන රයන් අතර සම්බන්ධය, වික්ටෝරියා නියුම්න් සහ සෝල්ජර් බෝයි. වික්ටෝරියා නියුමන් කියන්නේ අනතුරුදායක සූප් කෙනෙක් කියලා සහ එයා අගමැති ධූරය ගන්න බලාපොරොත්තු වෙන බව අපි සීසන් එක අවසන් වෙනකොට දැක්කා. මේ අතරේ සූප්ලගේ බලය තාවකාලිකව මනුස්සයින්ට ලබා දෙන ටෙම්ප් වී වල සහ සෝල්ජර් බෝයිගේ උදව්වෙන් හෝම්ලෑන්ඩර්ව මරන්න බුචර් සහ හියුඊ ගේ උත්සාහය අපි දැක්කා. ටෙම්ප් වී වල භාවිතය නිසා මදර්ස් මිල්ක් සහ ෆ්‍රෙන්චී මේ දෙන්නා එක්ක වැඩ කරන්න කැමති වුණේ නෑ. ඒවගේම හෝම්ලෑන්ඩර් කියන්නේ සෝල්ජර් බෝයිගේ පුතා කියලත් එළි වුණා.

ඒත් අන්තිමට හෝම්ලෑන්ඩර්ව මරන්න ඔන්න මෙන්න තියෙද්දී බුචර්, රයන් නිසා පස්ස ගැහුවා. ඒ නිසා හෝම්ලෑන්ඩර් මැරුණේ නෑ. අන්තිමට බුචර්ට රයන්වත් නැති වුණා. එයා තමන්ගේ තාත්තා වන හෝම්ලෑන්ඩර්ව තෝරගත්ත නිසා. හැබැයි සිද්ධ වුණ ලොකුම දේ තමයි ස්ටාලයිට් අස් වෙලා “The Boys” ලට බැඳුණ එක.

ඒවගේම Boys ලගේ spin-off එකක් විදියට නිකුත් වුණු Gen V ත් මේකට සම්බන්ධයක් තියෙනවා. ඒකෙදී අපට ගොඩොල්කින් යුනිවර්සිටි එක ගැන සහ සූප්ලාව මරන්න පුළුවන් වයිරස් එකක් ගැන විස්තර හොයාගන්න ලැබුණා. මේක ගැන බුචර් ත් දන්නවා. මේක බලන්න කලින් Gen V බලලා එනවා නම් තමයි හොඳ.

ඉතින් සීරිස් එක ගැන ගුණ වයනවා නම් තව කියන්න දේවල් බොහොමයි. ඒත් කට්ටිය මේක බලන්න නොඉවසිල්ලෙන් ඉන්න නිසාම මෙතනින් නවත්තන්නම්. දෙවෙනි, තුන්වෙනි එපිසෝඩ්වල සබ් අපේ බයිස්කෝප් සහෝදරවරු දෙන්නෙක් ඉක්මනින්ම අරගෙන ඒවි. එහෙනම් බෝයිස්, the c*nts are back!

අලුත් උපසිරසියකින් හමුවෙමු එහෙනම්. පීස් ✌️.

The Boys, The Boys Season 04, The Boys [S04: E01] Sinhala Subtitles