The Boys (2019-) [S01: E03] Sinhala Subtitles | යුද්ධය ප්‍රකාශ කරයි [සිංහල උපසිරසි] 18+

2019 ජූලි 26 වෙනිදා Amazon Prime Video හරහා නිකුත් වුණු කොටස් අටකින් යුතු The Boys හි  පළමු කතා මාලාවේ  3 වෙනි කතාංගයට සිංහල උපසිරසි අරගෙනයි මං අද බයිස්කෝප් සිංහලෙන් වෙබ්අඩවියට ගොඩවැදුනේ. මේ වෙද්දි මේ 3 වෙනි කතාංගයට IMdb හි 8.4/10 ක අගයක් හිමි වෙලා තියෙන බවත් විශේෂයෙන්ම මතක් කරනවා.

මේ වෙද්දි පළමු කතා මාලාවේ කොටස් දෙකක් නරඹලා තියන හින්දා වැඩි දේවල් නොකියම කතාව ගැන පොඩ්ඩක් මතක් කර ගමු. හියුඊ සහ එයාගේ පෙම්වතිය රොබින් පාරේ කතා බහ කර කර ඉද්දි, වෝට් සමාගමේ සුපිරි වීරයන් හත් දෙනා අතරින් වේගයෙන්ම දුවන ඒ-ට්‍රේන් රොබින් හරහා ගිය හින්දා හියුඊගේ ඇස් ඉස්සරහම රොබින්, මස් ගොඩක් බවට පත්වෙනවා මතකයිනේ. මේ සිද්ධිය හින්දා ලොකු කම්පනයකින් ඉන්න හියුඊට බුචර් මුණගැහෙනවා. රොබින්ගේ මරණය සිදුකරාට, ඒ ට්‍රේන්ට විරුද්ධව හෝ වෝට් සමාගමට විරුද්ධව නැගී හිටින්න හයියක් තිබුණේ නැති හියුඊට බුචර් තමන්ගේ සැලැස්මක් ගැන කියනවා. සැලැස්ම ගැන වැඩි කැමැත්තක් නැතිව වැඩේට සම්බන්ධ වෙන හියුඊ අතින්ම අවසානයේදි සුපිරි වීරයෙක් විනාශ වෙනවා මතක ඇතිනේ. මේ කොටසෙදි බුචර්ගේ කණ්ඩායමට තවත් සාමාජිකයෙක් එකතු වෙනවා. ඒ වගේම ඒ-ට්‍රේන් ගේ දුර්වලතාවයක් ගැන දැනගන්නත් බුචර් ඇතුළු කණ්ඩායමට අවස්ථාව ලැබෙනවා.

මේ කතා මාලාවේ උපසිරසි ගැන්වීම් වලට මාව සම්බන්ධ කර ගත්ත බිම්සර (ඔලිව ක්වීන්) මල්ලිවත් මේ වෙලාවේ ස්තූතිපූර්වකව මතක් කරනවා. තවත් උපසිරසියකින් නැවත මුණ ගැහෙමු.