The Boys (2019-2020) [S02: E02] Sinhala Subtitles | නිසි සැලසුම් [සිංහල උපසිරසි] 18+

ඔන්න යාළුවනේ බෝයිස් කතා මාලාවේ දෙවෙනි කතා සමයේ දෙවෙනි කොටසට උපසිරැසි ගන්වලා ඔයාලට ගෙනාවා. IMDb වෙබ් අඩවියේ 7.7/10ක ඇගයීම් ප්‍රමාණයක් ලබාගෙන තියෙන මේ කොටස රූපවාහිනීයේ ප්‍රචාරය උනේ 2020 වර්ෂයේ සැප්තැම්බර් 4 වෙනිදායි. විනාඩි 59ක් පුරාවට දිවෙන මේ කොටස පටන් ගන්නේ විලියම් බුචර් සිහි නැති වෙලා ඉඳලා ටෝනි සිසේරෝ කියන අවන්හලක් ලඟදී සිහිය එන සිද්ධියකින්. පසුගිය කොටස් බැලුවනම් ඔයාලට මතක ඇතිනේ බුචර් ට සිහි නැති වෙන්නෙ කොහොමද කියලා. ඒ අතරේ වෝට් එකේ උප සභාපති වෙලා හිටිය මැඩ්ලින් ස්ටිල්වෙල් ඝාතනය සම්බන්ධයෙන් විලියම් බුචර් ව හොයන්න පොලිසියෙන් මෙහෙයුමක් දියත් කරලා තියෙනවා.

ඒ අතරේ කොහොමහරි විලියම් බුචර් ග්‍රේස් ව මුණගැහෙනවා. එහෙම මුණගැහෙන්නේ තමන් අර මිනීමැරුමට සම්බන්ධයක් නෑ කියලා ඇයට ඒත්තු ගන්වන්නයි සූසන් රේනෝර්ව මැරුවෙ කවුද කියලා තමන් දන්න බව කියන්නයි.  ඒ වගේම ජර්සි වලට හොර රහසේම ආව ත්‍රස්තවාදියෙක් ගැනත් බුචර් ග්‍රේස්ට කියනවා. එතන සිදුවීම එහෙම වෙන අතරේ අතුරුදහන් වෙලා හිටිය ඒ-ට්‍රේන් හිටි හැටියෙම ආයෙ මතුවෙනවා.

ඉතිං යාළුවනේ… ග්‍රේස් බුචර් එක්ක එකඟතාවයකට ඒවිද? ඒ-ට්‍රේන් හිටි හැටියෙම මතු වෙන්නෙ කොහොමද? ඇත්තටම සූසන් රේනෝර්ව මැරුවේ කවුද කියලා බුචර් දන්නවද? ඒ වගේම මැඩ්ලින් ස්ටිල්වෙල් ඝාතනයට සම්බන්ධ කවුද? කවුද මේ හොර රහසේම ජර්සි වලට රිංගපු සූප් ත්‍රස්තවාදියා? කියලා කතාව බලලම දැනගන්න. හැමෝටම ජය වේවා!