The Batman [S05 : E09-E10] Sinhala Subtitles | භයානක තිදෙනාගේ ප්‍රහාරය [සිංහල උපසිරසි සමඟ]

ඉතින් කොහොමද යාළුවනේ, ඔන්න අද උපසිරැසි අරගෙන එන්නේ 9 හා 8 වෙනි කොටසට. මේ සීසන් එක ඉවර වෙන්න තව කොටස් 3යි තියෙන්නේ. ඇත්තම කිව්වොත් කොටස් 2යි මොකද අන්තිම එක Two-parter එකක් නිසා. ඉතින් බොහොම සතුටුයි.

නවවන කොටස

එහෙනම් අපි ඉක්මනට අද කතාව ගැන බලමු. මේක නම් සාමාන්‍ය බැට්මෑන් වික්‍රමයක්. මේකේ ඉන්නේ ළමයි තුන් දෙනෙක්. එයාලා ඩොක්ටර් ලැන්ග්ස්ට්‍රෝම් (මෑන්-බැට්) ගේ පරිගණකය හැක් කරලා මිනිස්සු සත්තු බවට පත් වීමේ රසායනය හොයා ගන්නවා. ඊට පස්සේ මෙයාලා සත්තු බවට පත් වෙලා නගරේ අයට එක එක කරදර කරන්න ගන්නවා. මේක නිසා එයාලා ඉන්න විශ්වවිද්‍යාලේ විදුහල්පතිතුමා තීරණය කරනවා හැමෝගෙම DNA පරීක්ෂා කරන්න. එතකොට ඒවා පාවිච්චි කරන්නේ කවුද කියන එක හොයාගන්න පුළුවන් නිසා. මේකට බයවෙන මේ ළමයි තුන් දෙනා කරන්නේ මුළු විශ්වවිද්‍යාලේම සත්තු බවට පත් කරන්න හදන එක. සුපුරුදු විදියටම, බැට්මෑන්ට තමයි මෙයාලව නවත්තන්න වෙන්නේ. ඒත් බැට්මෑන් ගිජුලිහිණියෙකුයි, නරියෙකුයි, තඩි මෝරෙක් වගේ මාළුවෙකුයි (හැබැයි එයාට ගොඩබිම ඉන්න පුළුවන්) ආන්බාන් කරගෙන මුළු විශ්වවිද්‍යාලයක්ම සත්තු බවට පත් වෙන එක නවත්තන්නේ කොහොමද? ඒක හොයාගන්න එන එපිසෝඩ් එක බලන්නම වෙනවා.

දහවන කොටස

මේක ගොඩාක් විනෝද වෙන්න පුළුවන් කතාවක්. මේකේ තියෙන්නේ ගෝතම් නගරෙට අලුතින් එන හතුරෝ දෙන්නෙක් ගැන. හැබැයි වැඩේ කියන්නේ මෙයාලත් බැට්මෑන් සහ රොබින් වගේ. පෙනුමින් වෙනස්, ඒත් හැකියා අතින් ගොඩක් දුරට සමානයි. එයාලගේ නම් තමයි ව්‍රැත් සහ ස්කෝන්. මෙයාලගෙ තියෙන එකම අරමුණ තමයි බැට්මෑන්ව විනාශ කරන එක. එයාලට මොකක්වත් මංකොල්ල කන්න වුවමනාවක් නෑ. එයාලා කරන්නේ අනිත් අපරාධකාරයොන්ට උදව් කර කර බැට්මෑන්ව විනාශ කරන්න උත්සහ කරන එක විතරයි. කොහොමහරි අන්තිමේදී මෙයාලා බැට්මෑන්ගේ ඇත්තම අනන්‍යතාවයත් හොයා ගන්නවා! ඉතින් කවුද මේ ව්‍රැත් සහ ස්කෝන්? එයාලා කොහොමද බැට්මෑන්ගේ අනන්‍යතාවය හොයා ගත්තේ? ඒවගේම මේක ඇත්තටම… බැට්මෑන්ගේ අවසානයද?

එහෙනම් හැමදාම කියනවා වගේ අපි ඊළඟ කතාවෙන් හමුවෙමු. ඔබට ජය!

Due to copyright issues, we do not provide any torrent links.

මෙම ලබා දී ඇති උපසිරසි DVD පිටපත සඳහා වලංගු වේ.