She-Hulk: Attorney at Law [S01 : E07] Sinhala Subtitles | විවේකය… [සිංහල උපසිරසි]

ඔන්න ඉතින් අද අරගෙන එන්නේ She-Hulk: Attorney At Law හත්වෙනි එපිසෝඩ් එකේ උපසිරසි. මේ එපිසෝඩ් එක අරන් එන්න පරක්කු වුණාට සමාවෙන්න ඕනේ. මේ සතිය ටිකක් වැඩ වැඩි සතියක්. කොහොමහරි, මේක නම් කරලා තියෙන්නේ “Retreat” කියලා. ඒ, මේ එපිසෝඩ් එකේදී ජෙන් ‘පසුබහින’ නිසා.

පසුගිය කොටසින්

කලින් එපිසෝඩ් එකේදී අපි දැක්කනේ ජෙන්, වෙඩින් එකකට ගිහිල්ලා ඉන්නවා. ඒ අතරෙදි ටයිටේනියා සහ එයා අතර සටනකුත් වුණානේ. ඒවගේම වෙඩින් එකේදී ජෙන්ට ජෝෂ් කියලා කෙනෙකුත් හම්බවුණානේ. ඉතින් මේ ජෝෂ් ඉදිරියේදී ජෙනිෆර් වෝල්ටර්ස්ගේ ආදරවන්තයා වෙන බව සලකන්න පුළුවන්. මේ කතාව අතරේදීම අපි දැක්කනේ මැලරි බුක් සහ නිකී රාමෝස් Mr. Immortal ගේ දික්කසාද නඩුව විසඳනවා. ඉතින් මේ Mr. Immortal මේ එපිසෝඩ් එකේ විහිළු, කොන්දක් නැති චරිතයක් වගේ පෙන්නුවාට කොමික්වලදී නම් මෙයා West-coast avengersලගෙ සාමාජිකයෙක්, ඒවගේම අමරණීයත්වය සාපයක් වුණු කෙනෙක්. මෙයාගේ කතාව කොමික්වලදී නම් ඉතාම දුක හිතෙන එකක්. කීප පාරක්ම සියදිවි නසා ගන්නත් උත්සහ කරල තියෙනවා. කොහොමහරි, මේ එපිසෝඩ් එකේදි හඳුන්වා දුන්න වැදගත්ම දේ වුණේ Intelligencia කියන වෙබ්සයිට් එකයි. කොමික්වලදී මේ ඉන්ටලිජෙන්සියා කියන්නේ M.O.D.O.K., ලීඩර් ආදී හල්ක්ගේ හතුරන්ගෙන් සමන්විත සංවිධානයක්. ඉතින් මේ සීරීස් එකේ නම් මේක වෙබ් සයිට් එකක් වෙන බව තමයි පේන්නේ.

Post-Credit scene

මාවල් එක තමන් පටන්ගත්ත සම්ප්‍රදාය වන post-credit scene එක මේ සීරීස් එකෙත් දිගටම ගෙනිච්චා. කොහොම වුණත් විශේෂයෙන් කතා කරන්න තරම් වැදගත් දෙයක් ඒවායේ සිද්ධ වුණේ නැති නිසා මම ඒවා ගැන කතා කළේ නෑ. හැබැයි හය වෙනි එපිසෝඩ් එකේ පෝස්ට්-ක්‍රෙඩිට් සීන් එක ගැන නම් කතා නොකර බැහැ. මොකද මේකෙ අපට මේ කතා මාලාවේ ප්‍රධාන හතුරා විදියට සලකන්න පුළුවන් Hulk King කියන කෙනාව පෙන්නන්නවා. ඒක පොඩි මැසේජ් එකක් විතරයි තමයි ඉතින්. හැබැයි අපට මෙයාව ඉදිරි එපිසෝඩ්වලදි දකින්න පුළුවන් වෙයි.

“Is the next phase of the plan ready to go?” – Hulk King

ඉතින් මෙන්න මේක තමයි මෙයා post-credit සීන් එකේ එවන පණිවිඩය. ඒ සමඟ අපි දකිනවා අලුත් තුඩක් තියෙන සිරින්ජයක් පෙට්ටියක දාල වහනවා. කලින් Wrecking Crew එක එයාලගෙ “බොස්” ගේ අණට අනුව ෂී-හල්ක්ගේ ලේ ගන්න හැදුව හැටිත්, එයාගේ හමේ ඝන බව නිසා ඒක කරගන්න බැරි වුණු හැටිත් අපි දැක්කනේ. ඉතින් මේ සිරින්ජය ෂී-හල්ක්ගේ හම සිදුරු කරන්න පුළුවන් වෙන එකක්ද? ඒක නම් හරියටම දන්නේ නෑ. ඒත් අපට එහෙම අනුමාන කරන්න පුළුවන්. මේකෙන් කියන්නේ Wrecking Crew එක වැඩ කරලා තියෙන්නෙත් හල්ක් කින්ග් ටම බවයි.

Episode 6 QR code

සුපුරුදු පරිදි මේ එපිසෝඩ් එකෙත් අපට QR code එකක් දකින්න පුළුවන්. ඒ, Mr. Immortal වාහනයක් උඩට පනින අවස්ථාවෙයි.

ඉතින් මේක ස්කෑන් කළාම අපිව අරන් යන්නේ West Coast Avengers (1985) #46ටයි. ඉතින් මේකේ අපිට Mr. Immortalව බලාගන්න පුළුවන්.

ඉතින් මේ එපිසෝඩ් එක ගැන කියන්න තියෙන්නේ එච්චරයි. එහෙනම් අපි 8 වෙනි එපිසෝඩ් එකෙන් ඉක්මනින්ම හමුවෙමු. පීස් ✌️.

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.