Shadowhunters: The Mortal Instruments [S03 : E14] Sinhala Subtitles | රෝස මලෙන් හාදුවක්..! [සිංහල උපසිරැසි සමඟ]

ආයුබෝවන්..!

මම දන්නව මට මේ කතා මාලාව එක්ක ලොකු චෝදනාවක් ආව, සීරීස් එක මඟ නතර කළා කියල. නමුත් මං තැන් කීපකයකම පොරොන්දු වුණා මොන යම් වෙලාවක හෝ මම මේ සීරීස් එක සහ ටෙරර් සීරීස් එක සම්පුර්ණයෙන්ම ලබා දෙනව කියල. මේ උත්සාහ කරන්නෙ ඒ පොරොන්දුව ඉෂ්ට කරන්න. අමනාපයක් නිසා නෙවෙයි, මට කියන්න වෙනව ඇයි මම මේ සීරීස් එක නතර කරල වෙන ඒවට මාරු වුණේ කියන කාරණාව ගැන. ඒකට ප්‍රධානම හේතුව මේ කතා මාලාව නරඹන පිරිස ඉතාම අඩු වීම. මේ වගේ එක එපියක ලයින් 600+, 700+, 800+ ලයින් ප්‍රමාණයක් උපසිරැසි ගන්වල, බාගත කරන ප්‍රමාණය 200ක් නම්, ඒ උපසිරැසිය වෙනුවෙන් ගත්ත මහන්සියට වටිනාකමක් ලැබෙනව ද? ඔබ එක උපසිරැසියක් හරි නිර්මාණය කරපු කෙනෙක් නම් මං කියන්න අවශ්‍ය නැහැ මේ උපසිරැසියක් කරන්න ගතවෙන කාලය සහ ඒකට මහන්සි වෙන්න අවශ්‍ය ප්‍රමාණය ගැන. ඒ කරල අපිට මොනවද ලැබෙන්නෙ?

හුදෙක් ආත්ම තෘප්තියක් විතරයි. ඒකත් නැති වෙන තැන් ඕන තරම් තියෙනව, පුංචි වරදක් හරි, ප්‍රමාදයක් හරි නිසා අහන්න වෙන බැනුම් ප්‍රමාණය සලකා බැලුවම. මේ වෙනකොටත් උපසිරැසිකරුවන් අපහසුවට පත් වෙන, උපසිරැසි කිරීමේ තෘප්තිය නැති වෙලා යන සිදුවීම් ඕන තරම් වෙනව. අපි කවුරුවත් සර්ව සම්පූර්ණ නැහැ. එහෙම සර්ව සම්පූර්ණ නම් ඒ අය සිංහල උපසිරැසියක් දාගෙන චිත්‍රපටියක්, සීරීස් එකක එපිසෝඩ් එකක් බලන්නෙත් නෑ. එහෙම නැත්තං සයිට් එකකින් සබ් එක දානකල් මඟ බලාගෙන ඉන්නෙත් නෑ. මේ එකක්වත් මම කාගෙවත් හිත රිද්දන්නවත්, කවුරුවත් ඉලක්ක කරල කිව්වවත් නෙවෙයි. බයිස්කෝප් එකේ පරණ සබ් එකක කමෙන්ට් තීරුවක් නිකමට කියවල බලන්න. ඒ කාලෙ වරදක් පෙන්නල තියෙන හැටි, නොදන්න දෙයක් කියල දීල තියෙන හැටි, කොච්චර සංයමයකින්, ලෙංගතුව සිද්ධ වෙලා තියෙනව ද කියල. යම් කෙනෙක් තමන් තුළ තියෙන මනුෂ්‍ය ගුණාංග මරා ගත්තට පස්සෙ කරන්න බැරි අපරාධයක් නෑ. මේ හැමදේම කරන උපසිරැසිකරුවාගෙ ආත්ම තෘප්තිය බිඳ වැටුණු දවසක ඒ කෙනා සබ් දෙන එක නතර කරනව. ඒකෙ පාඩුව අපි හැමෝටම සම සේ විඳින්න වෙනව. මේ ටික කිව්වෙ නොකියාම බැරි නිසා. තරහ අවසර, කාගෙවත් හිත රිද්දන්න නෙවෙයි මං උඩ කී කතාව කිව්වෙ.

හරි, ඔන්න ඉතිං නතර වුණු තැන ඉඳල ආයෙත් පටන් ගමු මේ කතා මාලාවේ අවසාන කතාංගයන් 9. කට්ටියට මතක ද දන්නෙ නෑ, යින්-ෆින් විෂ නිසා ආයෙ ආයෙත් ඉසී අසනීප වෙමින් ඉන්නෙ. මේ අතරෙ ජොනතන් කොහේහරි ඉඳගෙන ක්ලැරීට වද දෙනව. කට්ටියට මතකද මන්ද “හයිඩි” කියන වැම්පයර් කෙල්ල. එයා තමයි සයිමන්ට, එයාගෙ සහෝදරීගෙ ලේ බොන්න සලස්සල සයිමන්ගෙ අම්මව පිස්සු වට්ටන්නෙ. ඊට පස්සෙ සයිමන්, ජොර්ඩන් එක්ක එකතු වෙලා එයාව පේට්‍රෝ එකට අල්ලල දුන්න. හැබැයි එයා මඟදි පැන ගත්තනෙ. ඔන්න අද එයා ආයෙත් කරලියට ඇවිල්ල මහ විනාශයක් කරනව. ලූක්, මේරිස් එක්ක එකතු වෙලා උදාතරු අසිපත ගැන විස්තර හොයනව. ඉසීගෙ ඉල්ලීමකට අනුව, ග්‍රින්ලොව් කියල කෙනෙක් ක්ලේව් පහළ ලෝක වාසීන්ට වධහිංසන කරන එක ගැන විස්තර කියන්න ඉසී හොයාගෙන එනව. නමුත් ඉසීට ඒ තොරතුරු ගන්න වෙන්නෙ නෑ. ඒ වගේම ලූක්ගෙ රැලට අලුත් ඇල්ෆා කෙනෙක් එහෙම පත් වුණා.

අද කතාංගයෙන්..

ඉතිං හයිඩිගෙ හිතේ ලොකු සැලැස්මක් තියෙන බව අපි දැක්කනෙ. ඔන්න ඒක අද ක්‍රියාත්මක වෙනව. මේක සමූල ඝාතනයක් බවට පත් වෙන්නෙ, ජෝර්ඩන් හට රිදී තලයකින් පහරකුත් වැදිල. වෘකයන්ට රිදී විෂයි කියල අපි දන්නවනෙ. ඉතිං මායා ජෝර්ඩන්ව කොහොමහරි බේර ගන්නව වුණත්, මේ දෙන්න ජේඩ් වුල්ෆ් එක ඇතුළෙ හිර වෙනව. ජෝර්ඩන් ඉන්නෙ රිදී විෂ වීම නිසා පණ අදිමින්. මේ අතරෙ ජේස් සහ ක්ලැරී දෙන්න කාලෙකට පස්සෙ විනෝද වෙන්න කියල එළියට යනව. මේ සිදුවීම ඔක්කොම කණපිට හැරෙනව ජොජොනතන් නිසා. ඒ වගේම මැග්නස්ට එයාගෙ මායා බලය ආපහු ලැබුණ වුණත් ඒකට ලොකු වන්දියක් ගෙවන්න වෙනව. ඇලෙක් සහ මැග්නස් “උදාතරු අසිපත” හොයාගෙන යනව. මැග්නස්ගෙ මායා බලය ඔහුට සම්පුර්ණයෙන්ම ලැබුණ ද? නැත්තං වරදක් තියෙනව ද? එතකොට ක්ලැරී ඇයි වෙනස් වෙන්න පටන් අරන් තියෙන්නෙ? උත්තර ඕන කට්ටිය මෙතැන් ඉඳල සෙවනැලි දඩයමට එකතු වෙන්න. ඊලඟ කතාංගය එක්ක හැකි ඉක්මනින් මුණ ගැහෙමු. ජය වේවා..!

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

GOLD MEMBER
JOINING DATE – 2017-07-03
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]