Sadhuram 2 (2016) Sinhala Subtitles | ජීවිතයේ වටිනාකම නොදත්තා, මරණය අභියසට [සිංහල උපසිරැසි සමඟ]

මේ වතාවෙ අරගෙන ආවෙ පොඩ්ඩක් විතර පරණ දෙමළ ෆිල්ම් එකක්, කවුරුත් උපසිරසියක් කරල තිබුණෙ නැති නිසා කරොත් හොදයි කියල හිතුව. පරණයි කිව්වට ෆිලුම නිකුත් වෙලා තියෙන්නේ 2016 සැප්තැම්බර් මාසෙ. චිත්‍රපටියේ තිර රචනය හා අධ්‍යක්ෂණය දෙකම Sumanth Radhakrishnan විසින්. සංගිතය Girish Gopalakrishnan ගෙන්. Roheit Nair,  Yog Japee, Riaz, Sanam Shetty, Suja Varunee මේ කට්ටිය තමයි රංගනයෙන් දායක වෙන්නේ. IMDb මිටරේ 7.2 ක වගේ ඉහළ අගයක් ගන්නත් චිත්‍රපටය සමත් වෙලා තියෙනවා. මේක එක Sathuram 1 ෆිල්ම් එකත් එක්ක සම්බන්ධයක් නෑ, ඒ හින්ද පළවෙනි එක බැලුවේ නෑ කියල මේක බලන්න අවුලක් වෙන්නෙ නෑ. මුල ඉදන් අග වෙනකන්ම ඊලගට මොනවා  වෙයිද කියන කුතුහල‍යෙන් බලන්න පුළුවන් කියල නම් සහතිකවම කියන්න පුළුවන්.

ෆිල්ම් එක පටන් ගන්නේ KE370 කියන ගුවන් යානය අනතුරට පත්වෙන සිද්ධියකින්. ප්‍රධාන වශයෙන් චරිත 3ක් චිත්‍රපටියේ ඉන්නවා. ඒ තමයි විශාල්, වාසුදේවන් හා ශිවා. විශාල් වෘත්තියමය ඡායාරූප ශිල්පියෙක්, වාසුදේවන් වෛද්‍යවරයෙක්. යම් කෙනෙක් විසින් මේ දෙන්නව පැහැරගෙන ඇවිත් හතරැස් කළුවර කාමරේක දෙන්නගෙම කකුල් දම්වැල් වලින් බැදලා දාලයි තියෙන්නේ. මේ දෙන්න මීට කලින් එකිනෙකාට අදුරන්නෙත් නෑ. කාමරේ තව මලසිරුරක්, කැසට් රෙකෝඩරයක්, පිස්තෝලයක් සහ තව පොඩි පොඩි දේවල් ටිකකුත් තියෙනවා. දෙන්නා මේකෙන් ගැලවෙන්නෙ ක්‍රමයක් හොයනකොට විශාල්ගෙ සාක්කුවෙ තිබිල කැසට් එකක් හම්බෙනවා. ඩොක්ටර් වාසුදේවන්ගෙ සාක්කුවෙත් මේ වගේම කැසට් එකක් තියෙනවා. කැසට් එකේ තියෙන්නේ මොකක්ද කියලානම් කියන්න බෑ, ඒක ඔයාලම බලාගන්න.

එතකොට ශිවා ගැන කියන්න බැරි වුනානේ, ශිවා වැඩ කරන්නේ බහුජාතික සමාගමක. එයාගෙ දක්ෂතා නිසාම දශකයේ සේවානියුක්තකයාට හිමි සම්මානය ශිවාට දෙන්න සමාගම තීරණය කරල තියෙනවා, ඒ නිසා එයාට චෙන්නායි ඉදන් දිල්ලි යන්න සිද්ධ වෙනවා. ඒ යන ගමනෙදී ශිවාට ලොකු කරදරයකුත් වෙනවා. ශිවාට වෙන කරදරය මොකද්ද? විශාල්ටයි, වාසුදේවන්ටයි ගැලවෙන්න පුළුවන් වෙයිද? හතරැස් කාමරේ තියෙන මලසිරුර කාගෙද? කැසට්වල තියෙන්නේ මොනවද? මුලින්ම සිද්ධවෙන ගුවන් අනතුර මේකට සම්බන්ධ වෙන්නෙ කොහොමද? කියන දේවල් චිත්‍රපටිය බාගෙනම බලාගන්න….ජයවේවා…

Due to copyright issues, we do not provide any torrent links.

[author] [author_image timthumb=’on’]https://www.baiscope.lk/wp-content/uploads/2018/05/ධනුෂ්ක-ආරියරත්න-e1525685776490.jpg[/author_image] [author_info]මේ ලබා දී ඇති සිංහල උපසිරැසි පිළිබද “ධනුෂ්ක ආරියරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank

NEW MEMBER
JOINING DATE – 2018-05-02
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]