Resident Evil: Infinite Darkness [S01 : E01 & E02] Sinhala Subtitles | නපුරන්ගේ ලෝකයේ අසීමිත අන්ධකාරය [සිංහල උපසිරසි]

Racoon City, Umbrella Corporation, T-Virus, Zombie. ඔබ හොඳ සිනමා රසිකයෙක් නම් අනිවාර්යයෙන්ම මේ වචන ටික අහල පුරුදු වෙන්න ඕනෙ. ඔව් ඔබ හරි මේ වචන ටික ඇහෙද්දි කාටත් මතක් වෙන්නෙ සුප්‍රසිද්ධ Resident Evil සිනමාපට පෙළයි.

1996 වසරේදී ජපානයේ Capcom සමාගම විසින් පළමුවෙන්ම Resident Evil නමින් වීඩියෝ ක්‍රීඩාවක් නිකුත් කරනවා. ඒක ලොවපුරා කොච්චර ජනප්‍රිය වුනාද කිවහොත් ඒ නමින් මේ වන විට පරිගණක ක්‍රීඩා, නව කථා, කොමික් පොත්, සිනමාපට, පරිගණක සජිවීකරණ සිනමාපට සහ රූපවාහිනී කථා මාලා රැසක් බිහිවෙලා තියෙනවා. විශේෂයෙන්ම මේ ඇසුරෙන් සජීවී නළු නිළියන් රඟපාන (Live Action) සිනමාපට 06 ක් දැනට නිකුත් වෙලා තියෙනවා. ඊට අමතරව මේ ඇසුරෙන් Resident Evil: Degeneration (2008), Resident Evil: Damnation (2012) සහ Resident Evil: Vendetta (2017) ලෙස පරිගණක සජිවීකරණ (Animated) සිනමාපට 03කුත් නිකුත් වෙලා තියෙනවා.

අද මං මේ ඔයාලට අරන් ඇවිල්ල තියෙන්නෙ 2021 ජූලි මස 08 දින Netflix හරහා විකාශය වූ Animation, Action, Horror, Sci-Fi වර්ගයේ අළුත්ම Resident Evil TV Mini Series එකයි. මේක දැනට IMDb වල රේටින්ග්ස් 5.8 ක් ලබාගන්න සමත් වෙලා තියෙනවා. මිනිත්තු 30 කට ආසන්න කොටස් 04 කින් යුත් මේ රූපවාහිනී කථා මාලාව අධ්‍යක්ෂණය කරලා තියෙන්නෙ Hiroyuki Kobayashi නම් අධ්‍යක්ෂවරයා විසිනුයි. මීට පෙර සඳහන් කරපු Animated සිනමාපට එක්ක මෙහි සෘජු සම්බන්ධයක් නැතත් ඒ සියළුම චිත්‍රපටවල දක්නට ලැබෙන ප්‍රධාන චරිත තමයි මේ රූපවාහිනී කථා මාලාවෙත් දක්නට ලැබෙන්නෙ. නමුත් මේ රූපවාහිනී කථා මාලාව නරඹන්න ඒ සිනමාපට නැරඹුවෙ නෑ කියලා ගැටළුවක් නම් ඇති වෙන්නෙ නෑ.

මම මීට පෙර සිනමාපට රැසකට උපසිරැසි ලබාදීල තිබුණත් රූපවාහිනී කථා මාලාවකට උපසිරැසි ලබාදෙන පළමු අවස්ථාව තමයි මේ. මේක Animated රූපවාහිනී කථා මාලාවක් වුනාට එහෙමයි කියලා හිතන්න හරිම අමාරුයි. මොකද මේකෙ Animation ඒ තරම්ම තාත්විකයි. අහන්න දෙයක් නෑනෙ ජපනගෙ වැඩක්නෙ. මේක රූපවාහිනී කථා මාලාවක් වුණාට තියෙන්නෙ කොටස් 04 ක් නිසාත්, සම්පූර්ණ කථා මාලාවම විකාශය වෙන්නේ පැය 02 ක ට අඩු කාලයක් නිසාත් අවශ්‍ය නම් චිත්‍රපටයක් නරඹන ආකාරයට එක දිගටම නරඹලා අවසන් කරන්නත් පුළුවන්.

හොඳයි මේකෙ කථාව පැත්තට පොඩ්ඩක් හැරුණොත් මේ හැමදෙයක්ම ආරම්භ වෙන්නෙ “පෙනැම්ස්ථානය” කියන රටෙන්. එරට ගුවන් සීමාවෙදි ප්‍රහාරයකට ලක්වුනු ඇමරිකානු හෙලිකොප්ටර් යානයක සිටි භට කණ්ඩායමක් බේරගන්න තවත් භට කණ්ඩායමක් උත්සාහ දරනවා. එහිදී ඔවුන්ට නොසිතූ අත්දැකීමකට මුහුණ දෙන්න වෙනවා. මේ අතර එක්සත් ජනපදයේ ධවල මන්දිරයටත් ටිකක් අමුතු විදිහේ ප්‍රහාරයක් එල්ල වෙනවා…ඉතුරු ටික කථාව බලලම දැනගමු නේද?

මගේ මේ උපසිරැසියත් පළකිරීම ගැන බයිස්කෝප් ටීම් එකට ස්තූති කරනවා. තෙවැනි සහ සිව්වැනි කොටස්වල උපසිරැසි එක්ක ඉක්මනින්ම හමුවෙමු. එතෙක් ආයුබෝවන්….!

කොරෝනා වෛරසයෙන් ආරක්ෂාවීම සඳහා නිතර මුව ආවරණයක් පළදින්න. සෑම විටම දෑත් පිරිසිඳු කරගන්න. එකිනෙකා අතර මීටරයකට වඩා පරතරයක් තබාගන්න.

Due to copyright issues, we do not provide any torrent links.

[author]

මේ ලබා දී ඇති සිංහල උපසිරැසි පිළිබද “එන්.විජිත අසංක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

SILVER MEMBER
JOINING DATE – 2014-09-26
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]