Pal pal Dil Ke Paas (2019) Sinhala Subtitles | ජීවිතය වෙනස් කල ගමනක්… [සිංහල උපසිරැසි]

සෙහෙර් සේති. කියන දෙයක් කනකට ගන්නෙ නැති මහ පණ්ඩිතයෙක්. හැබැයි ඉන්දියාවෙ ඉන්න ජනප්‍රියම vlogger කෙනෙක්. ඒ වගේම හැම දෙයක් ගැනම නරක රිවීව් තමයි දෙන්නෙ. මේ සෙහෙර්ගෙ පවුලෙ හැමදාම වාර්ෂික පවුලෙ හමුවක් තියෙනවා. තමන්ගෙ දුවල ගැන පම්පෝර් ගහන ආන්ටිලයි, කසාද බඳින්නෙ කවදද කියල අහ අහ කරදර කරන ආන්ටිලගෙනුයි බේරෙන්න සෙහෙර් යනවා ඔෆිස් එකේ එසයින්මන්ට් එකකට.

මනාලි වල කෑම්ප් උජි-ධර්! ඒ කෑම්ප් එකෙන් පොරොන්දු වෙනවා හොඳම කඳු නැගීමෙ අත් දැකීම් ලබා දෙනවා කියල. මේකෙ සාමාන්‍ය සංචාරක පැකේජ් තියෙනවා. හැබැයි එයාලගෙ තනි පැකේජ් එකකුත් තියෙනවා. ඔය නලු නිලියෝ බිස්නස් කාරයො එහෙම ඒ පැකේජ් එක තමයි ගන්නෙ.

ගාන දන්නවද? ලක්ශ 5ක්?

කඳු නැගීමයි කෑම්ප් ගැනයි මෙලෝ මගුලක් නොදන්න සෙහෙර් ඉතින් මේකත් වංචාවක්, ඔක්කොම එලිකරන්න ඕනෙයි කියල හිතාගෙන මේ කෑම්ප් එකට පිටත් වෙලා යනවා. ඒ ගිය වෙලාවෙ ඉඳන් සෙහෙර් ඒකෙ අඩුපාඩුමයි හොයන්නෙ. ඒත් එයාට වැඩි දෙයක් හොයා ගන්න බැරි වෙනවා. ඉතින් ටික දවසක පුහුනුවකින් පස්සෙ සෙහෙර්ගෙ චාරිකාව පටන් ගන්නවා. ඒ කෑම්ප් එකේ අයිතිකාරයා කරන් සේගල් එක්ක.

ඉතින් මේක් අප් නැතුව කඳු නගින්න බැහැයි කියල යකා නටන සෙහෙර් එක්ක කරන් කඳු නැග්ගෙ කොහොමද කියල කතාව බලලම දැනගමුකො.

මේ චිත්‍රපටිය තිරගත වෙන්නෙ 2019 සැප්තැම්බර් මාසෙ 20 වෙනිදා. අධ්‍යක්ශනය කරන්නෙ සනී ඩියොල්. රංගනයෙන් දායක වෙන්නෙ Sahher Bambba සහ සනී ඩියොල්ගේ පුත් Karan Deol. Karan ගෙ වගේම Sahher ගෙත් පලවෙනි චිත්‍රපටිය තමයි මේ.

සංගීත අධ්‍යක්ශනය කරන්නෙ Sachet-Parampara සහ Tanishk Bagchi . ඒ වගේම ලස්සන සිංදු ටිකකුත් මේ චිත්‍රපටියෙ තියෙනවා.

මේ චිත්‍රපටිය ආදායම් අතින් නම් එච්චර සාර්තක වුනේ නෑ. කෝටි 60ක වියදමකින් නිපැයුවත් කෝටි 10ක ආදායමක් තමයි ලබාගන්නෙ

හැමෝටම බලන්න කියල ආරාදනා කරනවා. කමෙන්ටුවක් දාගෙන යන්නත් අමතක කරන්න එපා. තවත් චිත්‍රපටියකින් මුන ගැහෙමු.