Nizhal (2021) Sinhala Subtitles | ඔබේම සෙවනැල්ලෙන් පරිස්සම් වෙන්න! [සිංහල උපසිරසි]

රෑ කට්ට කළුවර මැදින්
පොද වැස්සක් වැටෙන්න ගත්තා
මැඩියන්ගේ ජය ඝෝෂාව මැද්දේ
පල්ලියේ ඝාන්ටාරෙත් නද දෙනවා
මූසලකම දසත පැතිරෙද්දී
ගඟේ ජලය කැළඹෙන්න ගත්තා.
පිළීගඳ පිරුණු වගුරට
අද ලොකු ගොදුරක් ලැබුණා
හැමදේම හැංගිලා ගියත්
සෙවනැල්ලක් පස්සෙන් ආවා
අන්ධකාරෙදී හැර යනවයි කීවාට
මොන බොරුද?
ඒ සෙවනැල්ල අන්ධකාරයත් එක්කම නතර වුණා.
ඉතින්..!
ඊළඟට??

මලයාලම් සිනමාවෙන් අන්තර්ජාලයට එකතු කරපු අලුත්ම චිත්‍රපටිය අරගෙනයි මේ එන්නේ. Mystery|Thriller ගණයට අයත් වෙන නිසාත්, පෝස්ටර් වල තිබ්බ ගුප්ත ආකර්ශනීය ගතිය නිසාත්, විශේෂයෙන්ම කුන්චකෝ බොබන්, නයනතාරා වගේ දක්ෂයින්ගෙන් හැඩවෙන නිසාත් ගොඩක් අය මේ චිත්‍රපටිය වෙනුවෙන් මග බලන් හිටිය බවට සැකයක් නම් නැහැ. මලයාලම් ත්‍රිලර් එකක් කියද්දි ඉතින් අනිත් ත්‍රිලර් වගේ නෙමේ, ගොඩක් දුරට අපේ අපේක්ෂා බිඳලා දානවා අඩුයි. එකඟයි නේද? ඉතින් එහෙම සහතිකයක් හිතේ තියාගෙනම බලන්න ආරාධනා කරනවා නිරල් චිත්‍රපටයක්. අලුත්ම අත්දැකීමක් විඳින්න පුළුවන් වෙයි අනිවාර්යෙන්ම.

පසුගිය අප්‍රියෙල් මාසයේ 9වෙනිදා තිරගත වීම අරඹන නිරල් අධ්‍යක්ෂණය කරලා තියෙන්නේ අප්පු N, භට්ටත්‍රි විසින්. චිත්‍රපටියට ප්‍රේක්ෂක විචාරකයන්ගේ සාමාන්‍ය මට්ටමේ ප්‍රතිචාර ලැබිලා තියෙනවා. ජාත්‍යන්තර සිනමා දර්ශකයෙත් 6.4ක අගයක් දැනට හිමි කරගෙන තියෙන මේ සලරුව පුරා පැය 2ක් පුරා අපිව අතරමං කරන්න වගබලාගන්නවා. 2019 දි නිකුත් වුණු ලව් ඇක්ෂන් ඩ්‍රාමා චිත්‍රපටියෙන් පසුව නයනතාරා එක්වන පලවන මලයාලම් සිනමාපටයයි මේ. ඒ වගේම කුන්චකෝ බොබන්ගෙන් 2021ට එකපිට එක ආපු දෙවන මලයාලමයි මේ. මේ වෙනකොට නායට්ටු (2021) බලලා ඇති කියලා හිතනවා. එහෙනම් නිරල් එක්කත් අලුත්ම් අත්දැකීමක් ලබාගන්න එකතු වෙන්න කියන ගමන් මං සමුගන්නවා. ජයවේවා.!

Due to copyright issues, we do not provide any torrent links.

මෙම ලබා දී ඇති උපසිරැසි HDRip පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank
GOLD MEMBER
JOINING DATE – 2014-01-28
SUB MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]