Ms. Marvel [S01 : E05] Sinhala Subtitles | ඉතිහාස කතාව… [සිංහල උපසිරසි]

ඉතින් විදුලි අර්බුදය මැද්දේ ටිකක් අමාරුවෙන් හරි මේ අරගෙන එන්නේ Ms. Marvel එකේ පස්වෙනි එපිසෝඩ් එක. ඉතින් මේ එපිසෝඩ් එක නම් කරලා තියෙන්නේ “Time and Again” කියලා.

පසුගිය කොටසින්

කලින් එපිසෝඩ් එකේදී අපි දැක්කනේ කමාලාට කාරාචිවලදී වෙන දේවල්. අපි දැක්කනේ මිස් මාවල් කොමික්වල ඉන්න තවත් චරිතයක් වුණු රෙඩ් ඩැගර්ස්ලට අපිව හඳුන්වලා දෙනවා. ඒවගේම ඒක අපට හඳුන්වලා දුන්නා ක්ලැන්ඩෙස්ටයින්ස්ලාගේ නිවහන අපේ මානය සමඟම පවතින විදියත්, ඒ දෙක වෙන් කරන ‘තිරය’ට හානි වුණොත් වෙන්න පුළුවන් භයානක අතුරුප්‍රතිඵලත්. ඒවගේම අපි දැක්කා නජ්මා ඇතුළු ක්ලැන්ඩෙස්ටයින්ස්ලා DODC එකෙන් බේරිලා කමාලා හොයාගෙන එන විදියත්, කමාලාව ආරක්ෂා කරපු වලීඩ් ව මරන විදියත්. එපිසෝඩ් එක අවසන් වුණේ සටන අතරතුරේදී නජ්මා අතින් බෑන්ගල් එකට පිහියෙන් ඇනලා කමාලාව 1942 ‘බෙදීම’ට ගෙනිහිල්ලා cliffhanger එකකින් නේ. ඉතින් මේ එපිසෝඩ් එකේ අපට බලාගන්න පුළුවන් ‘බෙදීම’ සහ මේ කතා මාලාව අතර ඇති සම්බන්ධය.

රෙඩ් ඩැගර් (Red Dagger)

කරීම් හෙවත් Red Dagger කියන්නේ කොමික්වලදී නම් කමාලාගේ තවත් සුපිරිවීර යහළුවෙක්. වෙනසකට තියෙන්නේ මෙයා mutant කෙනෙක්වත්, සුපිරි බලයන් ලැබුනු කෙනෙක්වත් නොවුණු එකයි. එයා නිකම් රතු පාට රෙද්දකින් මූණ ආවරණය කරගෙන පිහි වීසි කරන හාදයෙක්. කොමික්වලදී නම් කමාලා සහ රෙඩ් ඩැගර් අතර ආදර සම්බන්ධයකුත් තියෙනවා. කොහොම වුණත් Ms. Marvel එක ඒක අතහැරලා යන බව තමා පේන්න තියෙන්නේ.

මෙයාගේ කොමික් ඉතිහාසය ගැන කියනවා නම් මෙයාව මුලින්ම අපට හඳුන්වා දුන්නේ 2015 Ms. Marvel #12 කොමික් එකේදී. ඒ කොමික් එකේදී කමාලා කරාචිවලට ගියාම තමයි මෙයාව හම්බවෙන්නේ. කරාචිවල මිනිස්සු මෙයාව සලකන්නේ එයාලගේ වීරයා විදියටයි.

මේ තියෙන්නේ එයා මුලින්ම කොමික්වල හඳුන්වාදෙන අවස්ථාව. ඔයාලට කැමති නම් හතරවෙනි එපිසෝඩ් එකේ තිබුණු QR කෝඩ් එක scan කරලා නොමිලේම මේ කොමික් එක කියවන්න අවස්ථාව තියෙනවා. ඒ QR code එක මතු වෙන්නේ කමාලා කරාචිවල සංචාරය කරමින් ඉන්න වෙලාවෙදී.

මේ QR code එක scan කරාම අපිව අරගෙන යනවා Red Dagger පළමු වරට හඳුන්වා දුන්නු කොමික් එකට. ඉතින් ඔයාලට කැමති නම් මේක කියවලා බලන්න පුළුවන්.

එහෙනම් අපි ඊළඟ සතියේ හමුවෙන්නේ මේ සීරීස් එකේ පළමු කතා සමයේ අවසාන එපිසෝඩ් එකෙන්. ඒක නම් පුළුවන් ඉක්මනින්ම, ඒ කියන්නේ බදාදාම අරගෙන එන්න මට පුළුවන් උපරිම වශයෙන් උත්සහ කරනවා කියලා පොරොන්දු වෙනවා. එහෙනම් අද එපිසෝඩ් එක බලන්න. පීස් ✌️.

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.