Million Dollar Baby (2004) Sinhala Subtitles | ජීවිතයේ සදාතන අරමුණ… [සිංහල උපසිරසි සමඟ]

” මිස්ට ඩන් නේද ?”

“ම්ම් ,මං ඔයාට ණයයිද ?”

“නෑ සර්.”

“එහෙනම් මං ඔයාගෙ අම්මවවත් දන්නවද?”

“ඒකනම් හරියටම දන්නෙ නෑ සර්.”

ඒ විදියට තමයි ෆ්‍රෑන්ක් ඩන්ට මුලින්ම මාගරට් ෆිට්ශෙල්ඩ්ව මුණගැහෙන්නෙ. එයා ඔහුගෙන් ඉල්ලන්නෙ එකම දෙයයි.
ඒ තමන්ව පුහුණු කරන ලෙස, බොක්සිං ලෝක ශූරතාවය දිනා ගැනීමට තමාව පුහුණු කරන එක. ඇයි මැගී ඒ වගේ ඉල්ලීමක් ඔහුගෙන් කරන්නේ ? මොකද එයා දන්නවා මේ ලෝකෙ ලෝක ශූරයෙක්ව හදන්න පුලුවන් කෙනෙක් ඉන්නවානම් ඒ තමයි ඔහු කියල.

නමුත් ඒ වන විටත් තම දියණිය ක්‍රීඩා තරුවක් වෙනවා දැකීමට බලාපොරොත්තුවෙන් සිටි ෆ්‍රෑන්ක්ගේ ඒ හීනය බිඳී ගොස් තිබුණා. මොකද ක්‍රීඩාවලට අකමැති උනු ඔහුගේ දුව වුනු කේට් නිවස අත්හැර ගොස් තිබුණා. එම හේතුව නිසා ෆ්‍රෑන්කි කිසිම මොහොතක කාන්තාවන්ව පුහුණු නොකරමි යන දැඩි තීරණයේ තමයි එල්බ සිටියෙ.

ක්‍රියාදාම හා බොහෝ සංවේදී සිදුවීම් රැසකින් පිරුණු මේ චිත්‍රපටය තමයි 2004 හොඳම චිත්‍රපටය සඳහා වූ සම්මානය දිනාගත්තේ. F.X.Toole ගේ Rpoe burns: Story of the Corner කියන පොත ඇසුරින් තමයි කතාව හදලා තියෙන්නේ.

ඉතිං ඊටපස්සෙ මොකද වෙන්නෙ, මුඩුක්කුවකින් ආපු මැගී ලෝක ශූරතාවය දිනාගනීද, ඒ වෙනකොටත් අවුරුදු 31ක් වෙලා හිටිය මැගීව ෆ්‍රෑන්කි පුහුණු කරයිද, මොකද හිතෙන්නෙ ? කතාව බලලාම ඉමු. බොහෝවිට මේක මේ වන විටත් ගොඩදෙනෙක් බලලා ඇති .මොකද මේක ඒ තරමටම ජනප්‍රිය වුණු චිත්‍රපටයක්, මේ ගැන විචාරකයක් ලියන්න යන්නෙ නෑ. මොකද මහා කඳු ළඟ අපි දූවිලි අංශු වගේ හින්දා, මට හිතෙන විදියට මේක දුක- සතුට, ජය-පරාජය තව සංවේදී බව, කුතුහලය ආදී එකී මෙකී නොකී ඛාණ්ඩ වලට අයත් පවුලේ, ක්‍රීඩා චිත්‍රපටයක්.

මෙහි ප්‍රධාන නළුවා හා අධ්‍යක්ෂක වශයෙන් Clint Eastwood විසින් ඉතා අනඟි කර්තව්‍යක් ඉටුකරලා තියනවා .ඒ නිසාම ඔහු 2004 ඔස්කාර් උළෙලේදී හොඳම අධ්‍යක්ෂණය සඳහා සම්මානය හිමිකර ගන්නේ. ඒ වගේම එම උළලේදීම හොඳම ප්‍රධාන චරිතය සඳහා ඔහුව නිර්දේශ වෙනවා.

මේ චිත්‍රපටය ගැන ගොඩක් ලස්සන දේවල් අන්තර්ජාලයේ ලිපි මඟින් තියනවා, ( සිංහලෙන්) ඒ හින්දා වැඩිය කතා නොකර වැදගත් තොරතුරු ටිකක් කියන්නම්, 2005 ජනවාරි 28 දින ඉංග්‍රීසි හා අයිරිෂ් යන භාෂා වලින් ප්‍රදර්ශනය ආරම්භ කරපු මේ චිත්‍රපටය බොක්ස් ඔෆිස් වාර්තා අතර තිබෙන්නේ වියදම – us$ 30,000,000 හා ආදායම us$ 100,492,203 ක් ලෙසයි. එතකොට මේකෙ ප්‍රධාන චරිතය හා අධ්‍යක්ෂණය කරන්නේ Clint Eastwood විසින්, ඔහුට අමතරව Hilary Swank, Morgan Freeman, Anthony Mackie සහ Michael Pene යන නළු නිළියන් මෙහි රංගනයෙන් දායක වෙනවා. මෙහි රචනය F.X.Toole සහ Paul Haggis විසින් කරලා තියනවා.

විශේෂයෙන්ම කියන්න ඕනෙ මේක ඔස්කාර් සම්මාන 4කින් පිදුම් ලැබූ චිත්‍රපටයක් ,ඊට අමතරව වෙනත් සම්මාන 142කිනුත් නාමයෝජනා 158කිනුත් සම්මානයට පාත්‍ර වෙලා තියනවා. මෝගන් ෆ්‍රීමන් තම ජීවිතයේ ලද එකම ඔස්කාර් සම්මානය ලබාගත්තේ මෙම සළරුව සඳහායි. ඔවුන්ගේ සුපිරි රංගනයෙන් හැඩගැන්වූ Million Dollar Baby චිත්‍රපටය මඟහැරීමට නොහැකි එකක්. ඒ නිසාම ඔයාලගෙන් ඉල්ලා සිටිනවා මෙය නරඹන්නම කියල.

ඉතිං මේක මේ තරම් විශේෂ ඇයි කියල ඔයාලා මේක බැලුවොත් තේරෙයි. එතකල් ගිහින් එන්නම් .

ඔබට ජය !

2011 ජනවාරි 19 රොබින්හුඩ්(ලහිරු) සොහොයුරා විසින් පල කළ ලිපිය.

මේ අවුරුද්දෙ ලියන පළවෙනි ලිපිය හින්ද හැමෝටම සුභ නව වසරක් වේවා! කියල වැඩේ පටන් ගන්නම් එහෙනම්. 😀 අද බයිස්කෝප් තුලින් ඔයාලට අරගෙන ඇවිල්ල තියෙන්නෙ 2004 වසරේ නිපදවපු සුපිරිම චිත්‍රපටිය. මම එහෙම කිව්වෙ, මේ චිත්‍රපටිය තමයි එම වසරේ ඔස්කාර් සම්මානයෙන් පිදුම් ලබපු සුපිරි සිනමා සිත්තම. මට එක අතකට පුදුමත් හිතුන මෙච්චර කාලෙකට මේ චිත්‍රපටිය බයිස්කෝප් එකේ පළනොවී තිබුණු එක ගැන. IMDB ප්‍රේක්ෂක ප්‍රතිචාර 149,681 තුලින් 8.2 ක ඇගයීමක් සහ IMDb හොඳම චිත්‍රපටි 250 ශ්‍රේණිගතකිරීම් යටතේ 148 වන ස්ථානයේ ‍රැඳිල තිබීමෙන්ම ඔයාලට වැටහෙනව ඇති මේ නිර්මාණයේ සුපිරි බව කොතරම්ද කියල. ඉතින් තව දුරටත් අ‍ටුවා ටීකා නැතිව මම කතාව ගැන කෙටි විස්තරයක් කියන්නම්.

ෆ්‍රෑන්කි ඩන්(Clint Eastwood) කියන්නෙ ඉතාමත් දක්ෂ බොක්සිං පුහුණු කරුවෙක්. ඔහු ඔහුගෙ ජීවිතකාලෙ පුරාවටම අති දක්ෂ බොක්සිං ශූරයින් කිහිප දෙනෙක්ම මෙම ක්‍රිඩාවට දායාද කරල තියෙනව. ඔහු තමන්ගෙ සියළුම ගෝලයන්ට කියල දෙන ඉතා වැදගත් නීතියක් තියෙනව. ඒ තමයි ‘සැම විටම තමාව ආරක්ෂා කරගන්න‘ කියන උපදේශය. ඔහු පුහුණුකරන ව්‍යායාම් ශාලාව බලා කියාගෙන ඔහු ලඟින්ම සිටින හොඳ මිත්‍රයෙක් සිටිනව. ඔහු විශ්‍රාමලත් බොක්සිං ශූරයෙක්, නමින් ස්ක්‍රැප්(Morgan Freeman). ඉතින් දවසක් මෙම ස්ථානයට එනව මැගී ‍ෆිට්ස්ගෙරල්ඩ්(Hilary Swank) කියන කාන්තාව බොක්සිං පුහුණු වෙන්න අර දක්ෂ පුහුණුකරුවගෙන්. නමුත් ඔහු ඇයව පුහුණුකිරීම ප්‍රතික්ෂේප කරනව. හේතුව හැටියට ඔහු පවසන්නෙ ඔහු කාන්තාවන්ව පුහුණු නොකරන බව. නමුත් ඇය තමන්ගෙ උත්සාහය අත්හරින්නෙ නැහැ. ඇය පුහුණුකරුවෙක් නොමැතිව පුහුණුවීම් ආරම්භ කරනව. ඇය තම ‍රැකියාව හැටියට ආපනශාලාවක සේවය කලත් ඇගේ එකම බලාපොරොත්තුව තමයි දක්ෂ බොක්සිං ක්‍රිඩිකාවක් වීම.

මෙතනින් එහාට මම කතාව කියන්න යන්නෙ නැහැ. ඉතින් ඇයට එම අරමුණ ඉ‍ටුකරගන්න හැකියාව ලැබුණද කියල දැනගන්න බාගෙනම බලන්න වෙනව. අවසානය තරමක් දුරට ශෝකජනක වුනත් ප්‍රේක්ෂකයාට යතාර්ථය ඒත්තුගැන්වීමට අධ්‍යක්ෂකවරයා(Clint Eastwood) දරා ඇති උත්සාහය ඇත්තෙන්ම ප්‍රශංසනීයයි.

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

[author] [author_image timthumb=’on’]https://www.baiscope.lk/wp-content/uploads/2017/12/Gayan-Chathuranga-new.jpg[/author_image] [author_info]මේ ලබා දී ඇති සිංහල උපසිරැසි පිළිබද “ගයාන් චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank

BRONZE MEMBER
JOINING DATE – 2017-12-15
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]