Judas and the Black Messiah (2021) Sinhala Subtitles | මිතුරා විය හැක සතුරා. [සිංහල උපසිරසි]

අනිවාර්යයෙන් ලිපිය කියවන්න!

කොහොමද ඉතින් යාළුවනේ, අද මං අරන් ඇවිල්ල තියෙන්නෙ 2021 වර්ෂයේ පෙබරවාරී 12 වන දින HBO Max හරහා ප්‍රදර්ශනය ආරම්භ වූ Judas and the black messiah චිත්‍රපටය සඳහා සිංහල උපසිරැසියයි.මේ චිත්‍රපටය ඉතින් සාමාන්‍ය ආකාරයේ චිත්‍රපටයක්නම් නෙවෙයි.මේ චිත්‍රපටය නිර්මාණය කරල තියෙන්නෙ “ඇමෙරිකානු සිවිල් යුද්ධය” කියන ඇමෙරිකාවේ සිදු වූ විශාල සිදුවීම් මාලාවෙන් එක් පරිච්ඡේදයක් පාදක කරගෙන.ඒ කියන්නෙ මේ ඇමෙරිකානු නිදහස් සටනේ කොටස් කිහිපයක් තිබ්බ. මේ චිත්‍රපටයට අරන් තියෙන්නෙ ඔය ඇමෙරිකානු සිවිල් යුද්ධයන් මෙහෙයවීමට මුල් වූ “බ්ලැක් පැන්තර්” කියන පක්ෂය හා සම්බන්ධ කොටස.මේ සිවිල් යුද්ධය කියන්නෙ ඉතින් රජයට පහර දීමක් වගේ දෙයක් නෙවෙයි.රජයෙන් විවිධ ඉල්ලීම් ඒ කියන්නෙ තම තමන්ගෙ අයිතිවාසිකම් වගේ දේවල් ඉල්ලමින් පෙළපාලි,කෝලාහල වගේ දේවල් සිදු කරපු දෙයක්.මේ සිවිල් යුද්ධය සම්බන්ධයෙන් නිර්මාණය වූ “අයිස් ඔන් ද ප්‍රයිස්” වැඩසටහන් මාලාවේ එක් කොටසකට මේ බ්ලැක් පැන්තර් පක්ෂයේ බොහෝ දෙනෙක් තම තමන්ගෙ අත්දැකීම් ගැන මාධ්‍යයට කියල තියෙනවා.ඒ අත්දැකීම් පාදක කරගෙන තමයි ඉතින් 2019 වර්ෂයේදි Shaka King අධ්‍යක්ෂකවරයා මේ චිත්‍රපටයේ වැඩේට අත්පොත් තියන්නෙ.අපි හැමෝටම මං හිතන්නෙ දේශපාලනය කියන දේ තිත්ත දෙයක්.මොකද පේනව ඇතිනෙ වෙන වැඩ? ඒත් මේ කතාවෙන් අපිට පෙන්නල දෙනවා මේ බ්ලැක් පැන්තර් පක්ෂයේ නායකයා ඒ කියන්නෙ “ෆ්‍රෙඩ් හැම්ප්ටන්” කියන දේශපාලඥයා, තමන්ගෙ සම්පූර්ණ කාලයම වැය කරල තියෙන්නෙ ජනතාවගේ අයිතීන් වෙනුවෙන්. මෙන්න මේ ෆ්‍රෙඩ් හැම්ප්ටන් දේශපාලඥයා රජයට ලොකු තර්ජනයක් වෙනවා.ඒ කියන්නෙ මිනී මැරුම් වගේ දෙයක් නම් වගේ නෙවෙයි.මේ ෆ්‍රෙඩ් හැම්ප්ටන් කියන දේශපාලඥයා ජනතාවගෙ හිත් හොදටම දිනාගෙන තියෙන්නෙ.ඉතින් මේක රජයට ලොකු තර්ජනයක් වෙන්නෙ එයා ඡන්දෙ ඉල්ලුවොත් ජනතාවගෙ අයිතින් වෙනුවෙන් මීටත් වඩා සටන් කරන එක.ඉතින් ඕකට රජය කැමති වෙන්නෙ නෑ.ඔය අතරෙ තමා “විලියම් බිල් ඕ’නීල්” කතාවට එන්නෙ.එයාව FBI එක හරහා මේ බ්ලැක් පැන්තර් පක්ෂයේ තොරතුරු හොයාගන්න ඔත්තුකාරයෙක් විදියට දානවා.ඉතින් කොහොමින් හරි මේ රජය මේ සහෘද දේශපාලඥයට ලොකු හානියක් කරන්නයි යන්නෙ.

ඉතින් මම චිත්‍රපටයේ කතාව දැන් පොඩ්ඩක් පැත්තකින් තියල මේ චිත්‍රපටය ගැන තව පොඩ්ඩක් කතා කරන්නම්.FBI හරහා මේ යොදවපු ඔත්තුකාරයා ඒ කියන්නෙ බිල් ඕ’නීල් මහතාත් “අයිස් ඔන් ද ප්‍රයිස්” වැඩසටහනට සහභාගි වෙලා තියෙනවා.ඉතින් එයා කියපු ගොඩක් දේවලින් තමයි මේ කතාව නිර්මාණය වෙලා තියෙන්නෙ.තව මේ චිත්‍රපටයට හරියටම ගැලපෙන නළු නිළියන් යොදාගෙන තිබීම කැපීපෙනෙන කරුණක්.පහල ඡායාරූපයෙන් දැක්වෙන්නෙ ඒ නළු නිළියන්ගේ ඡායාරූපයි.

මේ චිත්‍රපටයට IMDB දර්ශකයේ 7.7 ක අගයකුත් කුණු තක්කාලි දර්ශකයේ 96% ක අගයකුත් ලැබිලා තියෙනවා.මේ චිත්‍රපටය බෙදා හැරීමෙන් දායකත්වය දීල තියෙන්නෙ Warner Bros ආයතනය විසින්.මේ චිත්‍රපටය වඩාත් හිතට දැනෙන ආකාරයට ඒ කියන්නෙ අතීතයට ගිහින් ඒ සිදුවීම් ඒ විදියටම දැකගැනීමට අවස්ථාව ලැබෙන්නෙ මේ නළු නිළියන්ගෙ රංගන කුසලතාවය නිසා කියලයි මං නම් කියන්නෙ.ඒ තරමට රංගනය සුපිරි.😊 ඉතින් ඒ හේතුන් නිසාම මෙහි රංගනයෙන් දායකත්වය ලබාදෙන Daniel Kaluuya හොදම සහය නළුවාගේ සම්මානයට Golden Globes සහ Screen Actor Guild Awards සම්මාන උළෙලවල් වලදී නිර්දේශ වී තිබෙනවා.

චිත්‍රපටය බලද්දි මේ දේවල් මතක තියාගන්න.

මේ චිත්‍රපටය ඉතින් 1960 වර්ෂයේ සිදු වූ කතාවක් ඇසුරෙන් නිර්මාණය වෙච්ච එකක්.ඉතින් භාෂා භාවිතය පොඩ්ඩක් වෙනස්.ඒ කියන්නෙ සත්තුන්ගෙ නම් වලින් ඇතැම් පුද්ගලයින්ට කතා කරල තියෙන්නෙ.ඒ නම් මං සිංහලට හරවන්න ගියෙ නෑ.ඒවා හැරෙව්වනම් තනිකරම කතාවේ අර්ථයට හානි වෙන නිසා තමයි එහෙම කළේ නැත්තෙ.ඒ නිසා ඒ වචන මං ඒ විදියටම යොදල තියෙන්නෙ.

• රැට් – ඔත්තුකාරයා
• ෆෙඩ් – FBI නිලධාරියා
• පිග් – පොලිස් නිලධාරියා

මම විප්ලවකාරයෙක්!
මම මැරෙන්නෙ මිනිස්සු වෙනුවෙන්!
උබල ඒක හොදට මතක තියාගනිල්ලා!

Due to copyright issues, we do not provide any torrent link.

මෙම ලබා දී ඇති උපසිරැසි BR / WEBRip පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ සංජන චමෝද් වික්‍රමරත්න ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

BRONZE MEMBER
JOINING DATE – 2020-07-24
SUB-MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]