Hocus Pocus (1993) with Sinhala Subtitle | නපුරු මයාකරියෝ. [සිංහල උපසිරැසි සමඟ]

කොහොමද යාළුවනේ ඔන්න මම ඔයාලට මේ වතාවේ ඉංග්‍රීසි චිත්‍රපටියක් අරගෙන ආවා. ඔයාලත් පුංචි කාලෙ අහල ඇති නේද කොස්සක නැගල අහසෙන් යන නපුරු මායාවන් කරන මායාකාරියො ගැන. මේකත් ඒ වගේ මායාකාරියො ගැන කතාවක්. Halloween සැමරුම ගැන ඔයාලා අහල තියෙනවද නේද? යුරෝපීය ජාතිකයින් තමයි ඒක ගොඩක් සමරන්නේ. මේ කතාවත් එදා වගේ දවසක වුන දෙයක් ගැන.

ඔන්න එක ගමක කැලයක ඉන්නවා මායාකාරියො තුන්දෙනෙක්. එයාලා සහෝදරියො. එයාලගෙ වුවමනාව තමයි තරුණ වෙලා ලස්සන වෙන එක. ඉතින් ඒ මායාවට එයාලා ගමෙන් පුංචි ගෑණු ළමෙක් අරගෙන එනවා. එයාව බේරගන්න එයාගෙ අයියත් එයා පස්සෙන් එනවා. ඒත් අයියට එයාගෙ පුංචි නංගිව බේරගන්න බැරි වෙනවා. පුංචි ගෑණු ළමයගෙන් ලස්සන වෙන එයාලා අයියව කළු පූසෙක් කරනවා. මේ නංගිවත් අයියවත් හොයාගෙන එන එයාගෙ දෙමව්පියො සහ ගමේ මිනිස්සු මේ මායාකාරියො තුන්දෙනාව එල්ලල මරණව. ඒත් මැරෙන මොහොතෙ එයාලා කියනවා එයාලා දවසක ආයෙත් එනව කියලා.

මායාකාරියො මැරිල අවුරුදු 300කට පස්සේ ඒ ගම සාමාන්‍ය විදිහට පවතිනවා. ඒත් ඒ ගමේ අය මේ අතීත පුරාවෘතය විස්වාස කරනවා. මේ ගමට අළුතෙන් ආපු ළමයෙක් ඉන්නවා එයාගෙ නම මැක්ස්. එයා නම් මේ මායාවන් මායාකාරියො ගැන විස්වාස කරන්නෙ නැහැ. එයාට ඉන්නවා ඩැනී කියල පුංචි නංගියෙක්. හැලෝවීන් දවසෙ රෑට ගෙවල් ගානෙ ගිහින් පැණිරස එකතු කරල සතුටු වෙන්න එයා හරිම ආසයි. ඉතින් හැම වතාවෙම වගේ මේ අවුරුද්දෙත් මැක්ස්ට තමයි එයාව මේ ගමන එක්ක යන්න වෙන්නේ. අකමැත්තෙන්ම මේ ගමන යන මැක්ස්, ඩැනීත් එක්ක මෙහෙම ඇවිද ඇවිද ඉද්දි එයාගෙ පන්තියෙ ඉන්න ලස්සනම ගෑණු ළමයගෙ ගෙදරට යනවා. එතනදි එයාලා කතා වෙනවා පුරාවෘතයේ කියවෙන මායාකාරියො තුන්දෙනාගෙ ගෙදරට යමු කියලා. තමන්ගෙ පුංචි නංගි මේ ගමනට අකමැති වුනත් තමන්ගෙ සිහින කුමරියත් එක්ක මේ යන්න ලැබුන ගමන ගැන මැක්ස් බොහොම කැමැත්තෙන් ඉන්නේ. ඉතින් කොහොමින් කොහොමින් හරි මේ තුන්දෙනා ඒ පරණ මායා නිවසට යනවා. පුරාවෘතයේ කියවෙන්නේ කළු දැල්ලක් නැගෙන ඉටිපන්දම පිරිසිඳු කෙනෙක් අතින් දැල්වුවොත් මායාකාරියො ආයෙත් එනවා කියලා. මේ කතා විස්වාස නොකරන මැක්ස් අනිත් දෙන්නගෙම විරෝධය මැද ඒ ඉටිපන්දම දල්වනවා. ඒ මොහොතෙම මෙන්න මායාකාරියො තුන්දෙනා ආයෙත් එනවා. ඔවුන්ගේ සැලසුම මේ වතාවෙ ගමේ ඉන්න ඔක්කොම ළමයින්ගෙ ජීවය උරාගෙන සදාතනික වෙන්නයි. ඔවුන්ට ඒක කරන්න පුළුවන් වෙයිද? මැක්ස්ට පුළුවන් වෙයිද තමන් අතින් වුන වැරැද්ද හරිගස්සල තමන්ගෙ නංගිවත් ගමත් බේරගන්න.

බලන්නකො කතාව කොහොමද කියලා. බලල අදහසුත් කියල යන්න. මම බලන් ඉන්නවා.

[button link=”https://goo.gl/ZOM1Ms” type=”icon” “center” newwindow=”yes”] 701 MB (BrRip) කොපිය මෙතනින් බාගන්න[/button]

[button link=”https://goo.gl/EXes7h” type=”icon” “center” newwindow=”yes”] 1.28 GB (BrRip) කොපිය මෙතනින් බාගන්න[/button]

[author] [author_image timthumb=’on’]http://www.baiscope.lk/wp-content/uploads/2014/08/kanishkaP.jpg[/author_image] [author_info]මේ ලබා දී ඇති සිංහල උපසිරැසි පිළිබද “කනිෂ්කා ගිහානි පෙරේරා” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.[/author_info] [/author]