Fringe [S04 : E06] Sinhala Subtitles | මතකයන්.. [සිංහල උපසිරසි සමඟ]

6 වෙනි කොටස බලන්න කලින් 5 වෙනි කොටසෙ මොකක්ද වුනේ කියලා මතක් කරගෙන ඉමු නේද?

මිනිස් මුහුණු මාරු කරන්නියක් ඇවිත් fringe ඒකකයම හෙල්ලුව හැටි මතක ඇති. මුහුණු මාරු කරන්නන්ගෙ දෝෂයක් ඇති වෙලා, ඒ දෝෂෙ නිවැරදි කරගන්න ඔවුන් සෛලිය ප්‍රතිගුණනය ගැන විශේෂඥයෙක් පැහැරගෙන ගියා. ඇත්තටම මේ සෛලිය ප්‍රතිගුණනය කියන දේ වසර ගණනාවකට කලින් විලියම් බෙල් පටන් ගත්ත ව්‍යාපෘතියක්. ඒත් විලියම් බෙල්ම ඒ ව්‍යාපෘතිය අතරමඟ නතර කරලා. මොකද ඒක ස්වභාව දහමට විරුද්ධව යන නිසා. නමුත්, විලියම් බෙල් එදා නවත්තපු දේ, මෙදා කොහොම හරි සිද්ධ වෙලා.

පීටර් කිව්වත් වගේ මේ අලුත් ආකාරයේ මුහුණු මාරු කරන්නො fringe ඒකකේ ඇතුළට ආවොත්, උන්ට ඕනම කෙනෙක් බවට හැරෙන්න පුලුවන්. තාමත් නොවිසඳුන අභිරහස තමයි කවුද මේ කියන අලුත් මුහුණු මාරු කරන්නෝ ආකාරය හැදුවේ? කවුද මේවා පස්සෙ ඉන්න මහ මොළකාරයා?

අනිත් ප්‍රශ්නේ තමයි පීටර්ව කාලයෙන් මකන්න ඕන නම්, ඇයි පීටර්ව ආයෙ වර්තමානයට ගෙනාවේ කියනෙක. පීටර් ඒ ප්‍රශ්නෙ වෝල්ටර්ට විසඳන්න කියලා ඉල්ලුවත්, වෝල්ටර් නෙවෙයි ඒක කණකට ගන්නෙ. එයා හිතන්නෙ මේක දෙවියෝ එයාට කරන පරීක්ෂාවක් වගේ දෙයක් කියලා.

ඊලඟ කොටසින් හමුවෙමු.ආයුබෝවන්!