Fringe [S04 : E05] Sinhala Subtitles | පීටර්ගෙන් උදව්වක්.. [සිංහල උපසිරසි සමඟ]

5 වෙනි කොටස අරගෙනයි ආවේ.

වෝල්ටර්ටයි, ඔලිවියාටයි එකම කෙනෙක්ව පෙනෙන්න ගත්තා. ඒ පීටර් කියලා එයාලාට මතක තිබුනෙ නෑ. ඒත් දෙන්නටම එකම කෙනාව පේන නිසා, එයාව හොයාගන්න හිතන් වෝල්ටර් කැමරා අටවලා, එයාගේ ඡායාරූපයක් ගන්න ලෑස්ති වුනා.

ඔය අතරේ ඔලිවියා උදේ ඇහැරෙද්දි, එයාගෙ ඇඳට උඩින් ශක්තියක් ගැවසුනා. ඒක ඔලිවියාව හිර කරන්න බැලුවා. ලෝහ වස්තු එක ගොඩකට ගොඩ ගැහුවා. මේ නිසා වෝල්ටර් හිතුවේ මේක එයාගේ කෝටෙක්සිෆාන් පරීක්ෂණ වල හිටපු කැමරන්ගෙ වැඩක් කියලා. කැමරන්ට ඇස්ට්‍රල් ප්‍රක්ෂේපණ කරන්න හැකියාවක් තිබිලා තියනවා. ඉතින් ඔලිවියා, වෝල්ටර් දෙන්නා එයාව හොයන් ගියා. එතනදි එයාලා දැන ගත්තා ඔලිවියාගෙ පස්සෙ එන දේ කැමරන් කරන දෙයක් නෙවෙයි කියලා.

ඉතින් කැමරන්ගෙ හැකියාවයි, විදුලි බලයයි සංයුක්ත කරලා, ඔලිවියා පස්සෙ එන දේ නවත්තන්න අවසානෙ උත්සහ කරා. ඒ වෙලාවේ ඔලිවියාට පෙනුනා ඒ ශක්තියෙන්, පීටර්ගෙ රූපය ඇති වෙනවා. ඒත් ඔලිවියා දන්නෙ ඒ එයා හීනෙන් දැකපු කෙනා කියලා විතරයි. ඔලිවියා පීටර්ව නොදැන වුනත්, ඒ වෙලාවේ කැමරන්ව නවත්තලා, පීටර් බේරුවා. එතනදි වුන බලපෑම නිසා පීටර් ජලාශයක් මැද්දෙන් මතු වුනා.

එහෙම මතු වුන පීටර්, කලින් හිටපු පීටර්ම තමයි. ඒත් දැන් ඉන්න ඔලිවියා, වෝල්ටර් ඇතුලු කිසිම කෙනෙක් පුංචි පීටර්ට වඩා එහා කෙනෙක් දන්නෙ නෑ.

පීටර් දැක්කමවත්, ඔලිවියාට පීටර්ව මතක් වුන පාටක් පෙනුනෙ නෑ. අඩු ගානේ වෝල්ටර්ටවත් මතක් වෙයිද? නිරීක්ෂකයොන්ගෙ සැලැස්ම අසාර්ථක වුන නිසා ඔවුන් මීලඟට මොකක් කරයිද?

ඊලඟ කොටසින් හමුවෙමු.

ආයුබෝවන්!