Checkered Ninja (2018) Aka Ternet ninja Sinhala Subtitles | කොටු ඇඳුමින් සැරසුණු නින්ජා… [සිංහල උපසිරසි සමඟ]

කොහොමද ඉතිං යාළුවනේ… ඔන්න මම මගේ පළවෙනි Animation ෆිල්ම් එක ගෙනාවා.තව මේක තමයි මම සම්පූර්ණෙන් අහගෙන සබ් කරපු පළවෙනි ෆිල්ම් එක. ලෝක කට්ටක් කෑවේ ඉතිං. විභාග වැඩත් හින්දා බාරගෙනත් සතියකටත් වඩා ගියා මේක ගේන්න. ඒත් ෆිල්ම් එක සුපිරි හින්දා කොහොමහරි සබ් කළා. Animation පිස්සෙක් නම් මේක බලන්නම ඕනා කියලා තමයි කියන්නේ. මේ ෆිල්ම් එකට නම් පැය එක හමාරක් වියදම් කළත් පාඩු නෑ කියල නම් ෂුවර් එකටම කියන්න පුළුවන්.

මේක Animation/Fantasy යන වර්ග වලට අයත් චිත්‍රපටයක්. ධාවන කාලය පැය 1 යි මිනිත්තු 23 ක් තියන මේ චිත්‍රපටයට 7.3 වගේ තරමක් ඉහළ IMDb අගයක් ලැබිලා තියනවා. මේ චිත්‍රපටය මුලින්ම නිකුත් වෙලා තියෙන්නේ ඩෙන්මාර්කයේ. ඒ Ternet Ninja යන නමින්. එම චිත්‍රපටයේ ඉංග්‍රීසි පරිවර්තනය තමයි Checkered Ninja යන නමින් නිකුත් වෙලා තියෙන්නේ. ඒ වගේම මේ චිත්‍රපටය භාෂා රැසකට පරිවර්තනය වෙලා තියනවා. මමත් මේ ෆිල්ම් එකම ඉංග්‍රීසි, ජපන්, ඩැනිෂ් යන භාෂා තුනෙන්ම බැලුවා. ඒත් හොඳටම තියෙන්නේ ඉංග්‍රීසි පරිවර්තනය නිසා ඒකට තමයි සබ් කළේ.

ඉංග්‍රීසි පරිවර්තනයේ සින්දු වල කොලිටි එකත් ඔරිජිනල් ෆිල්ම් එකට වඩා ගොඩක් හොඳයි. ඉතිං මම ඒවාටත් කොහොමහරි සබ් කළා. ඒ හැම එකක්ම මාර ලස්සනයි. විශේෂයෙන් රැප් එක. ඉතින් මේකේ ඉංග්‍රීසි පරිවර්තනයේ හඬ කැවීම් ශිල්පීන් ගැන නම් සඳහනක් නෑ. ඩෙන්මාර්ක් චිත්‍රපටය ගැන තමා විස්තර ගොඩක් තියෙන්නේ.

මේකෙ වෙන කතාව කෙටියෙන් කිව්වොත්, ෆිලිප් එපර්මන්ට් කියලා සෙල්ලම් බඩු ව්‍යාපාරිකයෙක්, එයාගේ තායිලන්තේ තියන සෙල්ලම් බඩු හදන ෆැක්ට්‍රියේ ළමයින්ව වහල්ලු හැටියට තියන් වැඩ ගන්නවා. ඒකත් ළමයෙක්ට ඔරොත්තු දෙන විදියට නම් නෙවෙයි. ඉතිං එක ළමයෙක් අතින් අත්වැරදීමක් වෙනවා. ලොකු දෙයක් නම් නෙවෙයි. ඒත් මේ ව්‍යාපාරිකයා ඒ ළමයට පහර දීලම මරණවා. පස්සේ ඒ ළමයා අතින් අවසානෙට වැරද්දක් එක්ක හැදුණු බෝනික්කාව ඒ ෆැක්ට්‍රියේ කළමනාකරු අතට ගන්නවා. එහෙම ගද්දි ඒ බෝනික්කාට කොහේදෝ ඉඳන් ඇවිල්ලා වැදුණු අකුණකින් පණ එනවා. ඇත්තටම කිව්වොත් අකුණ හරහා බෝනික්කාගේ ඇඟට ආත්මයක් එනවා. ඉතින් ඔහොම තමා මේ කතාව පටන් ගන්නේ. ඒ ආත්මයේ වගතුග තමා අර කිව්ව රැප් එකේ තියෙන්නේ. ඉතිං චිත්‍රපටිය නම් බොහොම රසවත් එකක්.

ඉතිං මේ ෆිල්ම් එක හොයාගන්න උදවු කරපු, ඒ වගේම මේක කරන්න අවසර දුන්නු අශාන් විමුක්ති(විමා) සහෝදරයාටත් වෙබ් අඩවියේ අනිත් සහෝදර සහෝදරියන්ටත් ස්තූති කරනවා. ඒ වගේම කමෙන්ට් එකක් දාන හැමෝටමත්.

ඉතින් මේකටත් කමෙන්ට් එකක් දාන්න කියලා ඉල්ලන ගමන් මම සමුගන්නවා. ඔබට සුභ දවසක් !!

Due to copyright issues, we do not provide any torrent link.

මෙම ලබා දී ඇති උපසිරැසි Bluray පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ ගීත් මිහිර සත්සර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

NEW MEMBER
JOINING DATE – 2020-04-26
SUB MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]