Better Call Saul [S01- E02] | කුරුමාණම වරදියි! [සිංහල උපසිරැසි සමඟ]

හොඳයි එහෙනම්, Atlantis දෙවෙනි කතා මාලාව දින වකවානුවක් නොමැතිව නැවතිලා තියෙද්දී අලුත් කතා මාලාවකට අත ගහන්න හිතුනා. ඉතින් මේ කතාව ගැන මුල් ලිපියෙන් පැහැදැලිවම තේරුම් කරලා තියෙනවා. ඒ ලිපිය ලියලා මට උදව් වෙච්ච අපේ සමීර කරුණාරත්න සහෝදරයාට මේ වෙලාවේ ස්තූති වෙනවා හැමෝම ඉදිරියේදී. ඒ ලිපියේ කියවුනා වගේම බ්‍රේකින් බෑඩ් එකේ හිටපු නරුප, කපටි, තමන්ට නඩුවක් හොයාගන්න ඕනම දෙයක් කරගන්න නීතිඥයෙක් කියලා පළවෙනි කොටස බැලුවනම් තේරෙන්න ඇති. හොඳයි එහෙනම් මේ දෙවෙනි කොටස තමයි දිගහරින්න යන්නේ.

හැමදාම වගේ පෙර කොටස ගැන මතක් කරගෙන ඉමු.

Breaking Bad කොටසේ අන්තිමටම කිව්වා වගේ සෝල් ගූඩ්මන් කියන්නේ සිනේබොන් වල වැඩ කරන නීතිඥයෙක්. කාටවත් එයාව අඳුරගන්න විදිහක් නෑ. ඒ මොකද ලොකු උඩු රැවුලක් වවාගෙන ඉන්න නිසා වගේම කොන්ඩේ ගොඩක් අඩු වෙලා නිසා. රෑ වැඩ ඉවර වෙලා එයා ගෙදරට ගියාට පස්සේ පොඩි ඩ්‍රින්ක් එකක් දාන ගමන් VHS පීස් එකක් එයාගේ රූපවාහිනියට දාලා පරණ දැන්වීම් කිහිපයක් බලන්න පටං ගන්නවා.

ඒ විදිහටයි කතාව ආරම්භ වෙන්නේ.

2002 මැයි මාසයේදී, ජිමී මැක්ගිල් (සෝල්ගේ උපන් නම) මළමිණියක ඔලුව ගලවලා ඒත් එක්ක ලිංගිකව එකතු වෙච්ච ලමයි තුන්දෙනෙක් වෙනුවෙන් උසාවියේදී පෙනී හිටිනවා. ඔහු උත්සාහ කරනවා උසාවියට ඔප්පු කරන්න ඒ ක්‍රියාව තරුණයින් අතර සිඳුවෙන සාමාන්‍යය දෙයක් බවට. නමුත්, විරුද්ධ පැත්තේ නීතිඥයා වීඩියොවක් පමණක් පෙන්නලා මුලු නඩුවම අනිත් පැත්ත හැරෙව්වා. උසාවියේදී පැරදිලා එලියට යද්දී එයාට දුරකථන ඇමතුමක් ලැබෙනවා. හැබැයි ජිමී තමන්ගේ කටහඬ වෙනස් කරලා තමන්ගේ කාර්යාලය ගැන බොරු කියනවා ජිමීගේ සහයකයා විදිහට. නමුත් ජිමීට එහෙම කවුරුත් නැති නිසයි එයා එහෙම කටහඬවල් වෙනස් කරලා කතා කරන්නේ.

ක්‍රෙයිග් සහ බෙට්සි කෙට්ල්මන් කියන දෙන්නවම ජිමී හමුවෙන්නේ මේ අතරතුරේදී. මෙයාලා දෙන්නාව තමයි පළාතේ භාණ්ඩාගාරයේ සල්ලි නැතිවෙච්ච එකට සැකකරන්නේ. එයාලා තීරණය කරත් ජිමීව එයාලගේ නීතිඥයා විදිහට තෝරගන්න, නමුත් අවසානයේදී ඒක වෙනස් වෙනවා. ඒ වුනත්, ඒ නඩුව අතාරින්නේ නැතිව ඉන්න තීරණය කරන ජිමී, දුරකථනය හරහා මල් කලබක් ඒ ජෝඩුවට යවන්න උත්සාහ කරනවා. එකපාරටම පාරේ ස්කෝට්බෝඩ් සෙල්ලම් කරමින් හිටපු කොලුවෙක් එයාගේ කාර් එකට හැප්පෙනවා. මේ සිඳුවීම නිසා ඒ හැප්පුන කෙනෙක් එක්ක හිටපු අනිත් කෙනා ගාව ඒ සිඳුවීමේ වීඩියෝ තියෙනවා කියලා ජිමීගෙන් සල්ලි කඩාගන්න හදනවා. නමුත් එතන සිද්ධ වෙන්නේ මේ තරුනයින් දෙන්නා කතා වෙලා වාහන වලට බලෙන්ම හැප්පිලා ඒ වාහන පදවන අයගෙන් සල්ලි කඩා ගන්න එකයි. ඒ සිඳුවීමෙන් පස්සේ මෙයා යන්නේ වියට්නාම අයුරින් තියෙන රූපලාවන්‍යාගාරයකට. බලාපොරොත්තු කඩවෙච්ච ජිමී තමන්ගේ දුරකථනයටවත් පණිවිඩයක් ඇවිත්ද බලන්න ඒක ික්‍රයාත්මක කෙරුවත් කිසිම පණිවිඩයක් ඒකේ සඳහන් වෙන්නේ නෑ. එයාට ලැබිලා තියෙන ලියුම් බලද්දී, ඩොලර් විසි හයදාහක චෙක් එකක් තියෙනවා දකිනවා. ඒක ලැබිලා තියෙන්නේ එයාගේ සහෝදරයා වන චක්ගේ නීතිඥය සමාගමෙන්. චක්ගෙන් මේ සියලුම දේවල් වංචා කරලා ලබාගත්තු එකට විරුද්ධව ජිමී වැඩකටයුතු කරගෙන, එතන රණ්ඩුවක් ඇතිකරගෙන එලියට එද්දී දකිනවා කෙට්ල්මන් ජෝඩුව එතනට ඇවිත් ඉන්නවා.

ජිමී චක්ගේ ගෙදරට යනවා. චක් කියන්නේ විද්‍යුත්චුම්බක ක්ෂේත්‍රයන් විශ්වාස කරන කෙනෙක්. එයාගේ ගෙදර කිසිම විද්‍යුත් උපකරණයක් නෑ. එතනදීත් රණ්ඩුවක් ඇතිකරගන්න ජිමී අර ස්කේට්බෝඩ් පදින කොල්ලෝ දෙන්නව හොයාගෙන යනවා. ඒ එයත් එක්ක හවුල්වෙලා වැඩ කරන්න කියලා. ඒ දෙන්නට ජිමී සිසේරෝ වලදී ලේසියෙන්ම සල්ලි හොයපු හැටි කතාව කියනවා. කෙට්ල්මන්ගෙන් සල්ලි කඩාගන්න ඕන නිසා ජිමී මේ දෙන්නා යොදවනවා ඒ වාහනේ හැප්පෙන්න කියලා. වැඩේ ලස්සනට උනා. නමුත් ඒ වාහනේ හිටපු කෙනා බැහැලා අඩුම තරමේ මොකද වුනේවත් කියලා බලන්නේ නැතිව වාහනේ දිගටම ගියා. ස්කේට්බෝඩ් ඩබල එයාගේ පස්සෙන් පන්නනවා, හැබැයි වාහනේ නැවතුනාම ඒ කාර් එකෙන් බහින්නේ වයසක කාන්තාවක්. එයාලා දන්නේ නෑ කවුද මේ කෙට්ල්මන් කියන්නේ කියලා. ඉතින් මේ අහුවෙලා ඉන්නේ වැරදි පුද්ගලයා කියන එක නොදැන, එයාලා සල්ලි ඉල්ලගන්න උත්සාහ කරනවා. සල්ලි නොදෙන නිසා මහලු කාන්තාවගේ පස්සෙන්ම එයාගේ ගේ ඇතුලටත් යනවා. ජිමී ටික වෙලාවකට පස්සේ එතනට ඇවිත් තමන් යුක්තියේ නිළධාරියෙක් කියලා දොරට තඩිබානවා. නමුත් එකපාරටම ටුකෝ සලමන්කා විහින් එයාට තුවක්කුවක් දික්කරගෙනයි දොර අරින්නේ.

අද එතැන් පටන්….
ඊලඟ කොටසින් හමුවෙමු. ජයවේවා!

[button link=”http://tinyurl.com/ngj38qn” type=”icon” “center” newwindow=”yes”] 294 MB කොපිය මෙතනින් බාගන්න[/button]

[button link=”http://tinyurl.com/p74kcsm” type=”icon” “center” newwindow=”yes”] 378 MB කොපිය මෙතනින් බාගන්න[/button]

[author] [author_image timthumb=’on’]http://www.baiscope.lk/wp-content/uploads/2013/11/kina.jpg[/author_image] [author_info]මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

   <<Previous Episode                    All Episodes                        Next Episode >>