Afwaah (2023) Sinhala Subtitles | කටකතාව [සිංහල උපසිරැසි]

AFWAAH (2023) Sinhala Subtitles

තවත් ලස්සන හිංදි සිනමා පටයක උපසිරැසියක් අද ගෙන එනවා.මේක mystery thriller ශානරයට වැටෙන කළාත්මක සිනමා පටයක්. මුලින් මම ගෙනා BHEED වගේම මේකත් වාණිජමය අතින් එතරම් සාර්ථකත්වයක් දැක්වූයේ නෑ. මෙහි Imdb ratings සිනමාපටයට සාධාරණත්වයක් ඉටු කරන්නෙ නෑ.ඉන්දියානු සිනමා රසිකයින් බොහෝ විට විවිධාකාරයෙන් බෙදී ගිය පිරිසක්. ජාතිය, ආගම ,කුලය හා දේශපාලන සාධක මත තම සිනමා රුචිකත්වය තෝරා ගන්නා නිසා ඉතා සිනමාත්මක නිර්මාණයන් පවා රේටිංස් වලදි අඩු වීමක් දක්වනවා.ඒත් මේ සිනමා පටය නම් කළාත්මක සිනමාව ප්‍රිය කරන රසිකයෙකුට බලන්නම ඕනැ එකක්.

දේශපාලනය හා කටකථා අතර ඇත්තේ ඉතා කිට්ටු සම්බන්ධයක්. කටකතා සහ වැරදි තොරතුරු පැතිරවීම සඳහා හොඳම උත්ප්‍රේරකයක් තමයි සමාජ මාධ්‍ය (Social media) ඒ මගින් සමාජයට ඇති කල හැකි බලපෑම සුළුපටු නෑ. එකම ආරංචිය වුවත් එකිනෙකට වෙනත් අර්ථකථනයන් සමගක් සමාජ ගතකිරීම ඉතා පහසු කාර්‍යයක්. එක් අසත්‍ය තොරතුරක් පාලනයෙන් මිදී වේගයෙන් මිනිසුන්ගේ ජීවිත තුලට රිංගන ආකාරය සහ ඒ තුලින් සමාජය තුළ අසමගිය වපුරන ආකාරය පිළිබඳ පණිවිඩයක් දෙමින් මිස්ට්‍රි ත්‍රිලර් එකක් ලස්සනට මෙහි ඉදිරිපත් වෙනවා

කතාවට බැස්සොත් නිවි කියන්නේ ප්‍රාදේශීය දේශපාලන නායකයෙකුගෙ එකම දියණිය. ඇය පළාතේ නැගී එන බලවත් තරුණ දේශපාලකයෙකු වන වික්‍රම් සමග විවාහ ගිවිස ගෙන සිටින්නේ.අසනීපයෙන් සිටින ඇගේ පියාගේ බලතලත් පරිහරනය කරමින් වික්‍රම් ගෙන යන ක්‍රියා මාර්ග නිවීගේ සතුටට හේතු වන්නෙ නෑ.ඔවුන්ගේ ක්‍රියාමාර්ග නිසා ඇති වන ආගම්වාදී කෝළාහලයක් අතරතුර වික්‍රම්ගෙන් ඈත් වී පළා යාමට නිවි තීරණය කරනවා.

ඇමරිකාවේ සිට ආපසු පැමිණි රහාබ් ටෙලිකොම් සමාගමක හිමි කරුවෙක් වගේම අභිප්‍රේරණ දේශකයෙක්.පැන යන නිවී වික්‍රම්ගේ ආධාර කරුවන්ගෙන් මිදීමට ගන්නා උත්සාහයට ඔහු මැදි වන්නේ අහම්බෙන්. ඔහුගේ දේශන වලදී තමන් ගැනම අතිශයෝක්තියෙන් පවසන ලද වීරත්වයන් සැබෑ ලෙස ක්‍රියාවට නැංවීමට ඔහුට සිදු වෙනවා. අනපේක්ෂිත ලෙස ඔහුටත් සිදු වන්නේ නිවී සමගම ජාති වාදී කෝළහාල මැද ජීවිතය බේරා ගැනීමට පැන යාමටයි.වික්‍රම්ගේ සගයින් තම පෙම්වතිය හා ඇයට සහය වූ මුස්ලිම් තරුණයා හා සම්බන්ධව කට කතාවක් සමාජ මාධ්‍ය තුලින් නිර්මාණය කරනවා. එය සමාජය තුල වේගයෙන් පැතිරෙනවා.මේ සියල්ල සිදු වන්නේ එකම රැයක. රැය පහන් වන විට මොවුන්ගේ ය දිවි ගලවා ගැනීමට දරන උත්සාහයට කුමක් වේද?

පරම්පරා දෙකක් සිය ස්වාමියා වෙනුවෙන් කල දර දිය ඇද අවසානයේ ඔවුන්ගේ දේශපාලන අනාගතය වෙනුවෙන් දන්ගෙඩියට බිලිවීමට නියමිත මැරයෙක් සහ ඔහු මරා දැමීමට පන්නන සිය අනාගත ලාභාපේක්ෂා උදෙසා දේශපාලකයින්ට කඩේ යන පොලිස් නිලධාරියෙක්ඇ තුළු විවිධ අතුරු චරිත රැසක් මෙහි දැක ගන්න පුළුවන්. ජරා ජීර්ණ අවස්ථාවාදී මිනීමරු දේශපාලනය මිනිස් ජීවිත වලට කරන බලපෑම මෙම සිනමා පටයේ ඉතා අපූරුවට පෙන්වා දෙනවා.වැඩි වෙනසක් නෑ අපට මේක ගොඩක් සමීප බව දැනෙයි.

මෙහි ප්‍රධාන චරිත ද්විත්වය හින්දි සිනමාවේ විශිෂ්ඨතම රංගන ශිල්පීන් දෙපළක් වන Nawazuddin Siddiqui, සහ Bhumi Pednekar රඟපාන අතර Sumit Vyaas,Sumit Kaul,Shareeb Hasmi ,T. J.Bhanu ආදීන් රංගනයෙන් දායක වෙනවා.අධ්‍යක්ෂනය Sudhir Mishra.

තවත් නව උප සිරසියකින් හමු වෙමු. ආයුබෝවන්

Due to copyright issues, we no longer provide any torrent links.

මෙම උපසිරැසිය WEBRIP පිටපත් සඳහා පමණක් වලංගු වේ.

[author]

මේ ලබා දී ඇති සිංහල උපසිරැසි පිළිබද “BANDULA K” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank
BRONZE MEMBER
JOINING DATE – 2023-09-10
SUB-MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]

AFWAAH, AFWAAH SINHALA SUB, AFWAAH 2023 SINHALA SUB