Cyberpunk: Edgerunners [S01 : E09 & E10 ] Sinhala Subtitles | සිහිනයක් හඹා ගිය සයිබෝ(ර්)ග්වරයා. [සිංහල උපසිරසි] (+18)
“සයිබර්පන්ක්වරු හෙවත් එජ්රනර්වරු යනු සීමාවක ජීවත් වෙමින් නිරන්තරයෙන් තමාව සීමාවට තල්ලු කරන අයයි.හුදෙක් සාර්ථකත්වය උදෙසා දුවනවා වෙනුවට, ඔවුහු තමන්වම අනතුරේ හෙළා ගැනීමටත්,අසාර්ථකත්වය, වෙනත් වචනවලින් කිවහොත් ‘මරණය’ සමඟ තම ජීවිතය දිගටම රැගෙන යාමට කැමැත්තෙන් සිටිති.”
2022 වසරේ Summer season එකේදි Netflix ඔස්සේ නිකුත් කෙරුනු Action,Sci-fi,Gore,Psychological කියන Genre වලට අයත් වෙමින්, Cyberpunk 2077 වීඩියෝ ක්රීඩාව ඇසුරින්, Trigger Studio විසින් නිර්මාණය කරපු, මිනිත්තු 25 බැගින් වුනු කොටස් 10 ක් පුරා දිවෙන Cyberpunk Edgerunners ඇනිමෙ කතා මාලාවේ අවසාන කොටස් දෙක එක්කයි ඔයා මේ එකතු වෙන්නේ.
ඉතින් ඔන්න හැමෝම ආසාවෙන් නරඹපු කතාවක අවසානයට ඇවිල්ලයි ඉන්නේ.ඇත්තම කිව්වොත් ක්රියාදාමයත් එක්ක මුසු වුනු නියම විද්යා ප්රබන්ධයක අවසානයට ඇවිත් ඉන්නවා කිව්වොත් හරියටම හරි.කොහොමද දැන් කතාව ගැන හිතෙන්නෙ.වෙනස්ම ඇනිමේෂන් එක්ක එන වෙනස් ම සංගීතය එක්ක වෙනම ෆැන්ටසියකට යන්න පුලුවන් වුනා නේද? Cyberpunk Edgerunners කතාව බලන අය අතරෙ දැන් හොඳ hype එකක් ගොඩනැගිලා ඇති කියල හිතනවා.පෙර නොසිතූ නොවිරූ දෙයකටයි ඔන්න අපි සූදානම් වෙන්නෙ.අපි යමු ඉස්සරහට.🔥
දැන් කලින් කොටස්වල සිද්ධ වුනු දේ අපි කෙටියෙන් මතක් කර ගනිමු.
සියල්ල යාන්ත්රීකරණය වුණු තාක්ෂණයෙන් පිරිපුන් නමුත්, සමානාත්මතාවය ගිලිහී ගිය සමාජයක් තිබුනු නගරයක් තමයි නයිට් සිටි කියලා කියන්නෙ.වයස අවුරුදු 17 ක් වුනු ඩේවිඩ් මාර්ටිනස් කියලා කියන්නෙ මේ නගරයේ ජීවත් වෙන තමන්ගෙ හැමදේටම අම්මා විතරක් ඉන්න කොල්ලෙක්.පවුලේ වියදම් පියවා ගන්න බැරුව යම් යම් අවස්ථාවල දී අසරණ වෙන්න මේ දෙන්නට සිද්ධ වුනා.මෙහෙම ඉන්න අතරෙදි හදිසි රිය අනතුරකින් ඩේවිඩ්ගේ අම්මා මැරෙනවා.ඊට පස්සෙ හැම ණය බරක්ම තමන්ගෙ කර මතට වැටුනු ඩේවිඩ්, අම්මා සතුව තිබුනු සයිබෝර්ග් යාන්ත්රික කොටසක් තමාට බද්ධ කරගන්න තීරණය කරනවා.බද්ධ කරන් සල්ලි හොයන එක තමයි මෙයාගෙ අරමුණ වුනේ.ඒ වගේම අම්මගේ හීනය ඉටු කරන එකත් ඒකට ඇතුළත් වුනා.ඉතින් මේ බද්ධ කිරීම නිසා ඩේවිඩ්ට පියවි ඇසටත් නොපෙනෙන තරම් අධික වේගයකින් එහා මෙහා ගමන් කිරීමේ හැකියාවක් ලැබෙනවා.මේ අතරෙදි ඩේවිඩ්ට ලුසී කියලා කෙල්ලෙක් මුණ ගැහෙනවා.හැබැයි මෙයත් සයිබෝර්ග් කෙනෙක්.මේ ලුසී කියන සයිබෝර්ග් කෙල්ල එක්ක එකතු වෙලා වැඩ කරන්න ඩේවිඩ් තීරණය කරනවා.ඉතින් මේ ලුසී නිසා සයිබර්පන්ක්වරු මුණ ගැහෙන්නත් වගේම, ලුසීත් එයාලගේ කෙනෙක් කියලා දැනගන්නත් ඩේවිඩ්ට පුලුවන් වෙනවා.නිළ වශයෙන් සයිබර්පන්ක් කණ්ඩායමට එකතු වෙලා සයිබර්පන්ක් කෙනෙක් වෙන්නත් ඩේවිඩ්ට පුලුවන් වෙනවා.මේ අතරෙ ඩේවිඩ් හා ලුසී අතර ආදරයකුත් ඇති වෙනවා.
මේ අතරෙ සයිබර්සයිකො කෙනෙක්ගේ පහරදීමකින් කණ්ඩායමේ පිලර්ට මැරෙන්න සිද්ධ වෙනවා.දැන් ආයෙත් කණ්ඩායමට නයිට් සිටි එකේ ප්රධාන සමාගම් අතරින් එකක් වුනු ‘අරසාකා කෝපරේෂන්’ එකේ විධායකයෙක් වුනු ටනාකාගෙ පස්සෙන් යන්න සිද්ධ වෙනවා.කොහොම හරි ටනාකාව අල්ලගත්තට පස්සෙ ටනාකාගෙ ස්නායු ජාලයට ඇතුල් වෙලා අවශ්ය වුනු දත්ත ටනාකාගෙන් ලබාගන්න සමත් වෙනවත් එක්ක ම මේන් නොවැළැක්විය හැකි රෝගයෙන් සම්පූර්ණයෙන්ම සයිබර්සයිකො කෙනෙක් බවට පත් වෙලා මහා කලබගෑනියක් කරනවා.මේ තත්වයෙන් මේන් ව බේරගන්න හදන ඩෝරියෝටත් මේන්ගෙ අතින්ම මැරෙන්න සිද්ධ වෙනවා.අවසානයේදී මේ තත්වය මැඩ පවත්වන්න ආපු NCPD එක,ට්රෝමා කණ්ඩායම,මැක්ස්ටැක් කණ්ඩායමත් එක්කම තමන්ට ගැලවීමක් නැති බව දැනගන්න මේන් එතනදි මරාගෙන මැරෙනවා.මේන්ගෙ මරණයෙන් පස්සෙ ඩේවිඩ් සයිබර්පන්ක් කණ්ඩායමේ නායකත්වය අරන් සුපුරුදු රාජකාරි කරමින් ඉන්නවා.ඒ වගේම තවත් විශේෂ දෙයක් දකින්න ලැබෙනවා, ඒ තමයි ඩේවිඩ් කලින් තිබුණාටත් වඩා දැවැන්ත ශරීරයක් එක්ක ක්රෝම් වෙලා ඉන්නවා.ඒ වගේම ඩේවිඩ්ගේ සැන්ඩැවිස්ටන් එක නිසාම එයාට සමවෙන්න කෙනෙක් ඒ වෙද්දි හිටියෙත් නෑ.ඉතින් ඔහොම කාලය ගත වෙද්දි ඩේවිඩ්ට සයිබර්සයිකොසිස් රෝගයේ රෝග ලක්ෂණ මතු වෙන්න පටන් ගන්නවා.
ඒ අතරෙදි කණ්ඩායමට වැඩ භාරදෙන ‘ෆික්සර්’ අලුත් වැඩක් සයිබර්පන්ක්වරුන්ට භාර දෙනවා.ඒ අතරතුරේදි ලුසී තමන්ගෙ අතීතය ගැන ඩේවිඩ්ට හෙළි කරනවා.ඒ වගේම ලුසී කණ්ඩායමෙන් ඈත් වෙලා රහසිගත වැඩක නිරතවෙමිනුයි ඉන්නේ.මේ අතරෙ ෆික්සර්ට ටනාකාව වට්ටපු නෙට්රනර්ව හොයන්නත් ‘සයිබර් ස්කෙලටන් ව්යාපෘතිය’ ගැන දන්න අයවත් මරලා දාන්න අරසාකා එකෙන් නියෝග ලැබෙනවා.ඉතින් ෆික්සර් කණ්ඩායමේ කිවී එක්ක හොර ගිවිසුමක් ගහලා ලුසීව ෆිසර්ට කොටු කරලා දෙනවා.මොකද ලුසී තමයි ටනාකාගෙ ස්නායු ජාලයට සාර්ථකව ඇතුල් වුනු නෙට්රනර් වෙන්නෙ.
මේ ‘සයිබර් ස්කෙලටන් ව්යාපෘතිය’ කියන්නෙ මොකක්ද? ලුසීට මොකක් වෙයිද? සයිබර්පන්ක් නායක ඩේවිඩ් මාර්ටිනස්ගේ මීළඟ පියවර මොකක්ද? ඩේවිඩ් ලුසී ආදර කතාවට මොකක් වේවිද? ෆික්සර් සම්බන්ධ සැබෑ කුමන්ත්රණය මොකක්ද? සයිබර්පන්ක්වරුන්ට මොකක් වේවිද? අවසානයේදි කෙළවරක් නැතුව අනුන්ගේ හීන හඹා යන ඩේවිඩ්ට මොකක් වේවිද? පෙර නොවූ විරූ සිදුවීම් ගණනාවක එකතුවකින් ඔයාට මේ ප්රශ්න වලට උත්තර කතාව අවසානයේදී දැනගන්න ලැබේවි….
සයිබර්පන්ක් කණ්ඩායම,ට්රෝමා කණ්ඩායම,මැක්ස්ටැක් කණ්ඩායම,කෝපො පැලැන්තිය,ෆික්සර්වරු සහ එකී මෙකී නොකී නොයෙක් ආකාරයේ සයිබෝර්ග්වරු සමඟින් එකම රඟමඩලක වෙනස් අරමුණු වෙනුවෙන් තමන්ගේ මෙහෙයවීම්, තමන්ගේ රංගනයන් අමුතුම ෆැන්ටසියකින් අරන් ආපු මේ Cyberpunk Edgerunners ඇනිමෙ කතා මාලාව මෙතනින් අවසාන වෙනවා.කොහොම වුනත් මේ ගැන තියෙන කණගාටුදාකය පුවත තමයි මෙහි season 2 එකක් නිකුත් කරන්න සැලසුමක් නොමැති බව මේ කතාවේ producer ලා තහවුරු කරපු එක.
කතාව ගැන ඔයා මොකද හිතන්නේ? මීට වෙනස් අවසානයක් ලැබිය යුතුද? තවත් කතා සමයක් ලැබිය යුතුයිද? ඒ වගේම දිගටම 18+ ලේබලය එක්ක කතාවෙ රසයත් ඒ විදිහටම අරන් ආපු මේ උපසිරැසිය ගැන අදහස් වගේම ගුණ දොස් කියාගෙන යන්නත් අමතක කරන්න එපා.ඉතින් මේ වගේම තවත් ඇනිමෙ උපසිරැසියකින් හමුවෙනකල් හැමෝටම සුභ වේවා! ජය වේවා! අරිගතො 🙏
“ඔවුනට අවසානයේ ගිනිදැල් දැනේවි
මා මේ නගරය අවුළුවන්නෙමි
ගැලවෙන්නට බොහෝ උත්සහ කරමින්
මා දකින දේ ඔබ දකින්නට
ඔබේ ආශාවන් තබාගන්න
ඔබට මා මත රැඳෙන්නට බැරි නම්
ඔබ පහත් කළාට මට සමාවන්න
මා ශක්තිමත් නැතැයි සිතන්න
ඕ, මගේ ආදරියේ… ආදරියේ… ආදරියේ…”
Due to copyright issues, we do not provide any torrent links
ලබා දී ඇති උපසිරසියෙ WEB පිටපත සදහා අදාළ වේ.
සිංහල උපසිරැසි මෙතනින් බාගන්නSInhala Subtitles
-- Count 1168 --
[author]
මේ ලබා දී ඇති සිංහල උපසිරැසි පිළිබද “ලංකන් Weebs” කණ්ඩායමට අප සැමගේ ස්තූතිය හිමි විය යුතු අතර උපුටාගැනීම් සියල්ලම එම කණ්ඩායමේ අවසරය මතම සිදුවිය යුතුය.[/author]
Subtitle Contributor Rank
NEW MEMBER
JOINING DATE – 2021-02-08
SUBMAKER RATING BY ADMINS
[box]
ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්රිය චිත්රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්රතිපලයකි.
[/box]
හොය හොයා හිටිය sub එකක්. ස්තුතියි බොක්ක
බොහෝම ස්තූතියි…
බොහොම ස්තූතියි සිංහල උපසිරැසියට. ජය෴෴ 😛 😛