House of Secrets: The Burari Deaths [S01 : E01] Sinhala Subtitles | බුරාරි ඛේදවාචකය… [සිංහල උපසිරසි]

එකම ගෙදර ජීවත් වුන එකම පවුලේ
එකොලොස් දෙනෙක් එල්ලිලා මැරිලා…!!

මෙන්න දැන් ලැබුනු පුවතක්…

එකම පවුලේ එකොලොස් දෙනෙකුගේ මල සිරුරු..
කාන්තාවන් හත් දෙනෙකු සහ පිරිමින් සිව් දෙනෙකු
උතුරු දිල්ලියේ බුරාරි හි නිවසක තිබී හමු වුනා.

එයින් නව දෙනෙක් සිය දිවි
හානි කරගැනීමක් වගෙ පෙනුනා.
එහෙත් ඔවුන්ගේ අත් ගැට ගහලා,
ඇස් රෙදි පටි වලින් ගැට ගහලා…
සාරි දෙපොට දාලා තොන්ඩුව හදලා,
ඒ මදිවට කම්බිත් දාලා.
ඒ එකොලොස් දෙනාගෙම කකුල්
බිම ගෑවෙන මට්ටමින්…
එල්ලිලා මැරිලා.

CCTV දර්ශන වලට අනුව
නිවසට ආගිය කිසිවකුත් ඇත්තෙත් නෑ.
නිවස තුල කලබලයක ලකුනකුත් නෑ.

මේක සිය දිවි හානි කර ගැනීමක්ද?

එහෙම හිතන්නත් බෑ. මොකද,
එයාලා හැමෝගෙම අත් කකුල් ගැට ගහලා.
එහෙම තියෙද්දි එල්ලිලා මැරෙන්නත් බෑ.
අනික අවුරුදු 15ක පොඩි එකෙක් සහ
අවුරුදු 80ක ආච්චි කෙනෙක්…
මොන එහෙකටද එල්ලිලා මැරෙන්නේ?

මේ House of Secrets – Burari Deaths කතා මාලාවට තේමා වුනු සත්‍ය සිද්දිය. මේක නිකන්ම කතා මාලාවක් නෙවෙයි, වාර්තා කතා මාලාවක්. මේ ඛේදවාචකයේ සාක්ශිත් සමගම අවසානය තෙක්ම සියලුම සිදුවීම් සහ හඬපටයන් හා එදින සිදු වූ සියලු සිදුවීම් සමග සත්‍ය තොරතුරු ඇතුලත් මෙය Documentary කතා මාලාවක් වුනත් එහි ත්‍රාසජනක බවේ නම් කිසිම අඩුවක් නැහැ. ඒ වගේම හිත කම්පා කරවන විදිහේ සිදුවීම් බොහොමයක් මෙහි පෙන්වනවා. ඉතින් Documentary යක් කියලා නොබලා ඉන්නත් එපා. මේ සත්‍ය සොයා යන ගවේශනයට එකතු වෙන්න කියලා කට්ටියටම ආරාධනා කරනවා.

ඇත්තටම මේ කතා මාලාව බාරගෙන ටික දවසක් වුනත් මගේ කොටස ඉවර කරගන්නයි ටිකක් කල් ගියේ. අනිත් දෙන්නා ඉවර කරලා සෑහෙන කල් වුනත් මගෙ කම්පියුටරේ සැරින් සැරේ ලෙඩ වෙවී ඉඳලා අන්තිම මොහොතේ හදන්න දෙන්න උන නිසා තවත් පරක්කු වුනා. ඉතින් ඒ ගැනත් සමාවෙන්න. එහෙනම් දෙවෙනි කොටසෙන් හමුවෙමු.