Mrs Undercover (2023) Sinhala subtitles | තුවක්කුව අතින් ගත් කුස්සි අම්මා.. [සිංහල උපසිරසි]

” ප්‍රියංකා කියන්නේ දක්ෂ නීතිඥවරියක්. කොච්චර දක්ෂද කියනවා නම් එයා දිනන්නේ නැති නඩුවක් නැති තරම්. පීඩාවට පත් වුණු කාන්තාවන්ට සාධාරණය අරන් දෙන එක තමා මෙයාගේ ලොකුම හීනය වුණෙත්. වෘත්තීමය ජීවිතේ ගොඩක් ඉස්සරහින් හිටියට මෙයා පුද්ගලික ජීවිතේ වැඩ වලින් නම් ටිකක් පස්සෙනුයි හිටියේ. මෙයාට හරි හැටි ප්‍රේම සම්බන්ධයක්වත් කා එක්කවත් තිබ්බේ නැහැ. ඔය අතර තමා ඩේටින් ඇප් එකකින් මෙයාට අජේව මුණගැහෙන්නේ. මාස ගාණක් චැට් කරලා කරලා අඳුනගෙන මේ දෙන්නා හමුවෙන්න දිනයක් දාගන්නවා. අජේගේ තිබ්බ ගතිගුණ වලට ප්‍රියංකා ගොඩක් ආස වෙනවා. ඒ නිසාමයි මෙහෙම පෙම්හමුවකට එයා කැමැත්ත පල කළෙත්. ඉතින් අජේ සහ ප්‍රියංකා හමුවෙන දවස උදා වෙනවා. ප්‍රියංකා හිටියේ හරිම සතුටින්.

ඊට පහුවෙනි දවසත් උදා වෙන්නේ මුළු නගරයම කම්පා කරවමින්. ප්‍රියංකාගේ පොඩි පට්ටම් වෙච්ච මිනිය මහ පාර මැද තිබිලා හොයාගන්නවා. අඳුරගන්න බැරි තරමටම ප්‍රියංකාගේ මළමිනිය විරූපී වෙලා තිබ්බා. ඒත් එක්කම ගොඩක් අයගේ ෆෝන් එකට වීඩියෝ එකක් එන්න ගන්නවා. ඒක එවලා තිබ්බේ වෙන කවුරුත් නෙමේ ප්‍රියංකාමයි…!!!”

ඉතින් පහුගිය අවුරුදු දවසේ අලුතින්ම Zee5 චැනලය ඔස්සේ නිකුත් කරපු හින්දි චිත්‍රපටය අරගෙන තමා මං මේ එන්නේ. Radhika Apte, Sumeey Vyas, Rajesh Sharma ප්‍රධාන චරිත මවන Mrs. Undercover (2023) තමා මේ චිත්‍රපටිය. Action | Comedy ඝනයට අයිති වෙන මේ චිත්‍රපටය ජාත්‍යන්තර සිනමා දර්ශකයේ 6.5ක අගයක් අරන් තියෙනවා. අධ්‍යක්ෂණය කරන්නේ Anushree Mehta විසින්. පැයකුත් විනාඩි 47ක් දක්වා කතාව දිවෙනවා. කොල්කටා නගරය ආශ්‍රයෙන් කතාව ගොඩ නැගිලා තියෙන නිසා බෙංගාලි ගතිය කතාවට මදි නොකියන්න ගෑවිලා තියෙනවා.

ඉතින් චිත්‍රපටිය ගැන මගේ අදහස පුද්ගලික කියන්නම්. කතාවස්තුව අතින් ගත්තම චිත්‍රපටියේ අඩුපාඩු ගොඩක් තිබ්බට මොකද වින්දනය අතින් නම් Mrs. Undercover ඉහල තැනක තියෙනවා කියලා කියන්නම ඕන. මොකද මේක රාධිකාගේ, රාජේශ්ගේ රඟපෑම් එක්කලා ඉවර වෙනකම් හිනා වෙවී බලන්න පුළුවන් එකක්. මේකේ ට්‍රේලර් එක විතරක් මං 20 පාරක් විතර බලන්න ඇති, ඒකත් රාධිකාගේ ඇක්ටින් නිසාම. කියන්නම ඕන, Action |Thriller එකක් වෙච්ච පලියටම Twists and Turns බලාපොරොත්තු නොවී, චිත්‍රපටිය සීරියස් නොගෙන බලන්න ගත්තොත් නම් Mrs. Undercover හොඳට විඳින්න පුළුවන්, කාලේ ගෙවාගන්න පුළුවන් හොඳ සරල චිත්‍රපටියක් කියලා ඉහලින්ම නිර්දේශ කරනවා. ඒ හින්දා බලන්න ගන්නලා. බලලා අදහස කියන්නලා. අපි ගියා, ජයවේවා.

ප.ලි : අපි දීලා තියෙන කොපියම ගන්නලා. ප්‍රධාන පෙලේ ටොරන්ට් සයිට්ස් වල තියෙන ගොඩක් කොපි වල දෙවන භාගයේ ඉඳන් පොඩි අවුලක් තියෙනවා.

Due to copyright issues, we no longer provide any torrent links.

මෙම ලබා දී ඇති SRT උපසිරසි HQ HD පිටපත් සඳහා ගැළපේ.

[author]

මේ ලබා දී ඇති සිංහල උපසිරැසි පිළිබද  PHOENIX” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.[/author]

Subtitle Contributor Rank
PLATINUM MEMBER
JOINING DATE – 2014-01-28
SUB MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]