Mai: A Mother’s Rage (2022) [S01 : E02] Sinhala Subtitles | අනතුරක් නොවේ මිනීමැරුමක්…. [සිංහල උපසිරසි]

සුප්‍රියා මෙච්චර දවසක් හිර කරගෙන හිටිය දේ
අම්මට කියන්නයි ගියේ.
අම්මා ශීල්ටත් ටික දවසක ඉඳන් සුප්‍රියාගේ වෙනසක් දැනුනා
ඒත් ලොකු ප්‍රශ්නයක් කියලා ශීල්ටවත් හිතුනේ නැහැ
මහ පාර මැද හිටගෙනම සුප්‍රියා ශීල්ට කියන්නයි ගියේ වෙච්ච දේ
ඒත්….
කොහෙවත් ඉඳන් ආපු ලොරියක් සුප්‍රියාව යට කරගෙන ගියේ
ශීල්ට හිතාගන්නවත් බැරි තරම් වේගයකින්…
කම්පනයට තත්පර ගාණක් ශීල් බලාගත්ත තැන බලන් හිටියා
කකුල් වැඩ කළේම නෑ
අහල පහල හිටිය අය කලබලෙන් දුවනවා ඇයට දැනුනා
දුවේ… මගේ දුවේ…
ශීල් පුළුවන් වෙර දාලා කෑගැහුවා..!!

පළවෙනි කොටස බලන්න ඇති නේද? කතාව හොඳ හින්දා දෙවැනි එකත් බලලා ඉවරද දන්නේ නෑ. නොබලපු බලපු කාටත් දෙවැනි කොටසට උපසිරැසිය අරන් ආවා ඔන්න. දැනට නම් මරු කතාවක් මේක. සාක්ෂිගේ රංගනය නම් අඬවනවා. හරි, අපි ඉස්සරහටත් බලාගෙන යමුකෝ.

කවුරුත් මේ එකතුවෙලා ඉන්නේ නෙට්ෆ්ලික්ස් වලින් අලුතින්ම මුදාහැරිය ඉන්දියන් වෙබ්කතාමාලාව Mai එක්කයි. අනුෂ්කා ෂර්මා ප්‍රමුඛ Clean Slate Filmz වෙතින් නිෂ්පාදනය කරන මේ කතාමාලාවට සාක්ෂි තන්වර්, විවේක් මුෂ්රන්, රෛමා සෙන්, සීමා පහ්වා වගේ නළු නිළියෝ රාශියක් පණ පොවනවා. ජාත්‍යන්තර සිනමා දර්ශකයේ 8.1ක දැවැන්ත අගයක් මේ වෙද්දි සටහන් කරගන්න Mai සමත් වෙලා තියෙනවා.කොටස් 6කින් යුක්ත මේ කතාමාලාවේ 1වෙනි කොටස මේ වෙද්දීත් බලන්න ඇති. පොඩ්ඩක් මතක් කරගෙන ඉමු 2වෙනි කොටසට යන්න කලින්.

සුප්‍රියාගේ හදිසි මරණයත් එක්ක ශීල් සහ යෂ්ගේ ජීවිත පාළු සොහොන් පිටියක් වගේ වුණා. ශීල්ගේ අයියා සහ පවුලගේ හයිය නිසා අවසන් කටයුතුත් 13වෙනි දවසේ කටයුතුත් කරගත්තා. අනතුර කරපු රියදුරාව එවෙලේම පොලිසියට අරන් ගිහින් තිබ්බා. නඩුවක් අහන්නයි ඉතුරු. ප්‍රධාන සාක්ෂිකාරිය වුණේ ශීල්. ඇයට සිද්ධ වුණා උසාවිය ඉදිරියේ රියැදුරාව අඳුනගන්න. මනුස්සයාගේ මූණ බලන්න හිත හයිය නොවුනත් ශීල් උසාවියේදී කියා හිටියා මේ ඒ මනුස්සයාමයි කියලා. තීන්දුව කල් ගිහින් රියැදුරාව ආයෙත් රිමාන්ඩ් කරන්න ගෙනියනවා. ඒ වෙලේ සිද්ධ වෙන දෙයක් නිසයි මේ කතාව තවත් දුර දිග යන්න හදන්නේ.. රියැදුරා ශීල්ව දැක්කම අඬා හැපෙන්න ගත්තා.

:අනේ නෝනා, මට මේක කරන්න ඕන වුණේ නෑ… මට මේක කරන්න ඕන වුණේ නෑ…”