Paurashpur [S01] Complete Season Sinhala Subtitles | රාගයේ අධිරාජ්‍යයට එරෙහිව ඇය නැගී සිටියාය [සිංහල උපසිරසි] [18+]

පෞරෂ්පුරය
දහසය වන සියවසේ පැවති රාජ්‍යයක්
පිරිමියාට යටහත්ව සිටිනා ලෙසින් ගැහැණියට තද නීතින් පැනවුණු රාජ්‍යයක්
තම සැමියා මිය ගිය කළ, ස්ත්‍රියක් සතිපූජාව එවෙලෙහිම පැවැත්විය යුතුයි
සැමියා නිවසේ නැතිවිට, ඇය අගුල් බන්ධනයක් පැළඳිය යුතුයි
නමුත් දිනක් එක් ගැහැනියක් මේ රාජ්‍යයේ හැම නියමයම බිඳ දැමුවා
ඇය කළ වරද වුයේ තම සැමියා මියගිය පසුත්
සති පූජා නොපවත්වා ජීවත් වීමට ඉටා ගැනීමයි
එසේම වෙනත් පුරුෂයෙක් සමඟ සම්බන්ධ වීමයි
නමුත් ඇයට අමතක වුණා
පෞරෂ්පුරයේ
ස්ත්‍රියකගේ ගතට මෙන්ම සිතටත් විලංගු ලා ඇති බව
එය බිඳ දමන්නාට ලැබෙන දඬුවම
මරණය පමණක්මයි..!!

හැමෝටම සුබ නව වසරක් පතනවා. පසුගිය දෙසැම්බර් මාසයේ 29වෙනිදා Alt Balaji සහ ZEE5 සමගාමීව නිකුත් කරන ලද අලුත්ම වෙබ් කතාමාලාව තමා මේ අරගෙන එන්නේ. Historical, Drama ගණයට අයත් වෙන මේ කතාමාලාව විනාඩි 20 ආසන්න ධාවන කාලයක් සහිත වුණු කොටස් 7කින් සමන්විත වෙනවා. අන්නු කපූර්, මිලින්ද් සෝමාන්, ශිල්පා ශින්දේ වගේ අය ප්‍රධාන චරිත වලට රංගන දායකත්වය දෙනවා. IMDb 7.3ක අගයක් අරගෙන තියෙනවා, ෆේක් රිවීව්ස් වලට පින් සිද්ධ වෙන්නත් එක්ක. නැත්තම් ඔයිට වඩා අඩුවෙනවා. ඒ වගේම මේක 18+ කතාමාලාවක් කියලා මතක් කරනවා. අමුතුවෙන් මතක් කරන්න දේකුත් නෑ Alt Balaji කට්ටිය මොකෝ වෙන මොකවත් හදනවයැ.

ඉතින් බහුතර Alt Balaji කතා වගේම තමා. ලොකු හරයක් නම් නැහැ. කාලය ගෙවාගන්න විතරක් මොකක්හරි බලන්න හොයනව නම් අරන් බලන්න. ලොකු ලොකු දේවල් නම් බලාපොරොත්තු වෙන්න එපා. පොඩි කොලිටියක් නැත්තෙමත් නෑ. ඒත් ඉතින් එහෙම බලාපොරොත්තු තියාගන්න හදනකොටම ඒක කඩන් වැටෙනවා. ඉතින් මොන වුණත් බලන්න හිතාගෙන උන්නු අය ඇතිනේ. ඒ අය වෙනුවෙන් තමා ඉතින් උපසිරැසිය අරන් ආවේ.

එහෙනම් ගිහින් එන්නම්. හැමෝටම ජයවේවා.!

Review of Filmi Indian

පෞරෂ්පූර් වල තියෙන්නේ දුර්ලබ කතා සංකල්පයක්. පුරුෂ මූලික සමාජයක්, උමතු රජ පරම්පරාවක්, අබිරහස් වීරවරයෙක්. ඒත් දුකට කාරණාව මේවා සමහර කොටසකට පමණක් සීමා වීමයි. ඒත් හැම කොටසකම එක්තා කපූර්ට විතරක් විශේෂ වෙච්ච, පාට පාට ඇඳුම් අඳින දර්ශනයි ඒවා ගලවන දර්ශනයි මදි නොකියන්න නම් තියෙනවා. අපිට හිතෙනවා මේක හදපු කෙනාට මගක් යද්දි කතාව අමතක වෙලා කාමසූත්‍රය ප්‍රචාරණය කරන්න හදනවා වත්දෝ කියලා. පසුතලයන් ගැන සෑහීමකට පත් වුණහැකි. ඒ වගේම සමහර චරිතයන් ගැන අනාවැකි කියන්න බැරි ගතියත් හොඳ ලකුණක්. අන්නු කපූර්ගේ රංගනය ප්‍රශංසනීයයි. ඒත් ශිල්පාගේ සහ මිලින්ද්ගේ චරිත හරියට පාවිච්චි කරන්න නිර්මාණකරුවන්ට බැරි වෙලා තියෙනවා. සමහර දෙබස් පවා ඉතිහාස කතාවකට වඩා දිනපතා විකාශය වෙන නැන්දම්මා ලේලි කතාවකට වැඩියෙන් ගැලපෙන බවක් තමයි පේන්නේ. කාරණේ මේකයි, ඇහැට පොඩි සුවයක් දෙන්න ඕන නම් පෞරෂ්පුරයට සාදරයෙන් පිලිගන්නවා, ඒත් මනසට බලපෑම් කරන්න තරම් ප්‍රබල කිසිම දෙයක් මේකෙන් බලාගන්න වෙන්නේ නැහැ.

(Rating : 1.5/5)