The Fame Game [E02] Sinhala Subtitles | රහස් නැත්තේ කා ගාවද?? [සිංහල උපසිරසි]

ගොඩ දෙනෙක් අපෙන් ඉල්ලපු මේ The Fame Game කතාමාලාවට පසුගිය දා ඉඳන් උපසිරැසි සපයන්න අපි පටන් ගත්තා. බොලිවුඩයේ ජනකාන්ත ජනප්‍රිය නිළි රැජිණ මධුරි ඩික්සිත්ගේ කාලෙකට පස්සේ එන කල එලි බැසීමත්, OTT මාධ්‍යයටම නිකුත් වන මධුරිගේ පළවෙනිම නිර්මාණය නිසාත් The Fame Game ගොඩක් විශේෂ වෙනවා. Drama ගණයට අයත් වෙන මේ කතාමාලාව කරන් ජොහාර් ප්‍රමුඛ Dharma Productions පවුලේ වැඩක්. පසුගිය දවසක නෙට්ෆ්ලික්ස් ඔස්සේ විකාශනය ඇරඹුණු මේ කතාමාලාව අද වන විට IMDb අගය 7.1ක් රැස් කරගෙන තියෙනවා.

කතාමාලාව එක්ක මේ වෙද්දිත් එකතු වුණු අය දන්නවා මේ කතාමාලාවත් ජනකාන්ත ජනප්‍රිය නිළියක් වටා ගෙතෙන එකක් විත්තිය.සිනමා ලෝකයේ සිද්ධ වෙන කළු අළු සිදුවීම් ගොඩක් මේ කතාමාලාවෙන් අපිට පෙන්නනවා. මැදි වියට ළඟා වෙමින් හිටියත් අනාමිකා ආනන්ද් බොලිවුඩයේ තමන්ගේ තැන එහෙමම තියාගෙන හිටිය අතිශය ජනප්‍රිය නිලළියක්. නිළියක් කියනවට වඩා නිළිය කිව්වා නම් වඩා නිවැරදියි. පෙනෙන හැටියට අනාමිකාගේ ජීවිතේ හැමදේම හරිම ලස්සනට ගලාගෙන යමින් තිබ්බා. දවසක් ඔය හැමදේම උඩු යටිකුරු වෙන්න ගත්තා. උත්සවයකට පෙනී ඉඳලා අනාමිකා ආනන්ද් එයාගේ මහත්තයා එක්කලා ගෙදර ආවා. කාමරේ නිදාගෙන හිටි අනාමිකාගේ පුතාට දැනුනා අම්මා කාමරේට ඇවිල්ලා එයාව බලලා යනවා. දුවටත් ඒ දේම දැනුනා. සැමියාට දැනුනා අනාමිකා ඔහුගේ පස්සෙන් අඩිය තිය තිය කාමරේට එනවා. හැමදේම වෙනදා වගේම වෙච්ච නිසා කාටවත් අමුතු දෙයක් හිතුනේ නැහැ. ඒත් බෝම්බය පිපිරුනේ පහුවදා උදේ. අනාමිකා ගෙදරින් අතුරුදහන් වෙලා. ඇගේ ඇඳේ ඇය නිදාගත්තු පාටක්වත් නෑ. ෆෝන්, පර්ස් හැමදේම තියාපු තැන් වල. වාෂ්ප වුණා වගේ අනාමිකා ආනන්ද් කියන ජනකාන්ත නිළිය අතුරුදහන්ම වෙලා ගිහිල්ලා…

අද කොටසත් එක්ක එකතු වෙන්න. අනාමිකාට ඇත්තටම මොකද වුණේ කියලා දැනගමු.