Doctor John AKA Uisa Yohan [E19-E20] Sinhala Subtitles | මිහිරි සන්ධ්‍යාවේ අනතුරක පෙරනිමිත්ත [සිංහල උපසිරසි]

කන්ග් සි යොන්ග් තමන් මහාචාර්යතුමාට කැමතියි කියලා කිව්වත් මහාචාර්යතුමා ඒකට ස්තූති කළා ඇරෙන්න ප්‍රතිචාරයක් දැක්වුවේ නෑ. මේ අතර මහාචාර්යතුමාගේ දක්ෂතා නිසා සින්මු රිජන්ඩ් කියන කොරියාවේ ලොකුම සායනික උපකරණ සමාගමෙන් හන්සේ රෝහලේ වේදනා පාලන මධ්‍යස්ථානයට සහයෝගය දක්වනවා වගේම අවශ්‍ය උපකරණ ලබා දෙනවා. මේ අතරේ වේදනා පාලන මධ්‍යස්ථානයට එන අළුත්ම රෝගියා යූ රී හී. අසාධ්‍ය වගේම සුව කළ නොහැකි රෝගියෙක් නිසා එයා වෙනුවෙන් කරන්න පුළුවන් එකම දේ වේදනාව පාලනය කිරීම විතරයි. අභිචෝදක සොන් ස්යොක් කිට මෙයාව මුණ ගැහෙන්නේ මරණ සාකච්ඡා වැඩසටහනේදියි. එතනදි යූ රී හී සහන මරණ ගැන කතා කරනවා. ඉතින් මේ හේතු නිසා අභිචෝදක සොන් බලාපොරොත්තු වෙනවා ආයෙත් වතාවක් මහාචාර්යතුමාගෙන් පරණ වැරැද්ද විදිහේම වැරැද්දක් සිද්ධ වෙයි කියලා. මේ අතරදි අභිචෝදක සමඟ ඉන්න හෙදිය තවත් මාධ්‍යවේදියෙක් එක්ක එකතු වෙලා මහාචාර්යතුමා ගැන විස්තර එකතු කරනවා. හදිස්සියේම ඒ මාධ්‍යවේදියා හවසක මහාචාර්යතුමාව මුණ ගැහෙන්න ආවත් මහාචාර්යතුමා අසනීප වීම නිසා සිහි නැතුව ඇදගෙන වැටෙනවා. අවසානේ වෛද්‍ය කන්ග්ට මහාචාර්යතුමාව හොයාගන්න ලැබෙන නිසා වෛද්‍ය ලී යූ ජූන්ගේ උපකාර ඇතිව මහාචාර්යතුමාව රෝහලට ගෙනියන්න ඇයට හැකිවෙනවා. ඒ වගේම අවසානේ කන්ග් සි යොන්ග් තමන්ගේ හැඟීම් පැත්තකින් කියලා මහාචාර්ය චා යෝ හන්ට උදව් කරන්නම් කියලා කිව්වත් මහාචාර්යතුමා ඒක ප්‍රතික්ෂේප කරනවා.

අසනීපය අතරේම සම්මන්ත්‍රණය කරන්න එන මහාචාර්යතුමා සම්මන්ත්‍රණය මැදදී අසනීප වෙනවා. මේ වෙලාවෙදී අභිචෝදක සොන් ස්යොක් කි ඉන්නෙත් සම්මන්ත්‍රණය අසළමයි. ඉතින් මහාචාර්යතුමාව ගැටළුවක් නැතුව එතනින් ඉවත් වෙන්න පුළුවන් වේවිද? වේදනා පාලන මධ්‍යස්ථානයේ වෛද්‍යවරුන් එකතු වෙලා ප්‍රාර්ථනා සමාජයක් ඇති කරන්න තීරණය කරනවා. ඒ කවුරු වෙනුවෙන්ද? හැම දෙයක්ම සුන්දරව ප්‍රශ්න විස‍ෙඳමින් සිද්ධ වන ඒ දිනයේ අවසානයත් සොඳුරු වේවිද? අවසානයේ ඒ අනතුරේ පෙරනිමිති වලින් ඇඟවෙන්නේ මොන වගේ අනතුරක්ද?

මීළඟ කොටසින් හමුවෙමු.

Due to copyright issues, we do not provide any torrent link.

මෙම ලබා දී ඇති උපසිරසි HDTV පිටපත් සඳහා අදාළ වේ.