Doctor John AKA Uisa Yohan [E05-E06] Sinhala Subtitles | ශූරයා [සිංහල උපසිරසි]

චා යෝ හන් හෙවත් නේවාසික සිරකරු 6238. රෝගියෙකුට සහන මරණයක් ලබා දීම නිසා වසර තුනක සිර දඬුවමක් ලැබුණ විශිෂ්ට වෛද්‍යවරයා. තමන්ගේ රෝගියාට සහන මරණයක් ලබාදීමට සිදුවීම නිසා වසර දෙකකට පෙර තමන්ගේ වෛද්‍ය වෘත්තිය අත්හැර දැමූ ‍වෛද්‍යවරිය කන්ග් සි යොන්ග්. ඒත් චා යෝ හන්ගේ උපදෙස් මත පාර්ක් ජන්ග් බෝ කියන සිරකරුවාව බේරගන්න මහන්සි වෙලා එයාගේ රෝගය හොයාගන්න සි යොන්ග්ට පුළුවන් වුණත් නිශ්චිත රෝග නිර්ණයක් නොමැති කමින් වෛද්‍ය ලී යූ ජූන් එයාට ෆැබ්රි රෝගය වෙනුවෙන් ප්‍රතිකාර කරන්න අකමැති වෙනවා. ඒත් අවසානේ හරියටම එදාම හිරෙන් නිදහස් වෙන්න ලැබෙන චා යෝ හන් ඇවිත් රෝගියාට ප්‍රතිකාර කරනවා වගේම රෝගියාට බලාපොරොත්තුවක් වන ලෙස සි යොන්ග්ට පැවසූ ඔහුගේ වචන නිසා නැවතත් තමන්ට රෝගීන්ට ප්‍රතිකාර කරන්න පුළුවන් වෙයි කියලා සි යොන්ග් විශ්වාසය ඇති කරගෙන ආයෙමත් රෝහලට යන්න තීරණය කරනවා. නවත්තපු තැන ඉඳලා සි යොන්ග් නැවතත් තමන්ගේ වෘත්තිය පටන් ගන්නයි යන්නේ. ඒත් මේ වෙද්දි එයා එක්ක එකට හිටපු ශිෂ්‍යයෝ අවුරුදු දෙකකින් ජේෂ්ඨයෝ වෙලා. සි යොන්ග්ට කටයුතු කරගෙන යන්න වෙන්නේ එයාලා එක්කයි.

හා හා පුරා කියලා තමන්ගේ වෛද්‍ය දිවිය අළුතෙන් පටන්ගන්න යන සි යොන්ග්ට නැවතත් ඔහුව මුණ ගැසෙනවා. සියොල් හන්සේ රෝහලේ මහාචාර්යවරයෙක් වශයෙන්. මේ අතරේ තවත් වෛද්‍යවරයෙක් අළුතෙන් රෝහලට එකතු වෙනවා. මේ අතරේ රෝහලට එන්නේ අක්ෂි වෛද්‍ය අංශයට අදාළ වුණත් නිර්වින්දන වෛද්‍යවරයෙක් විසින් සැත්කමක් කරපු ප්‍රසිද්ධ සටන් කරුවෙක්. ඒ සි යොන්ග්ගේ පළවෙනි රෝගියාද? ඔවුන්ට ඔහුව බේරාගන්න පුළුවන් වේවිද?

මීළඟ කොටසින් හමුවෙමු.

Due to copyright issues, we do not provide any torrent link.

මෙම ලබා දී ඇති උපසිරසි HDTV පිටපත් සඳහා අදාළ වේ.