ඩීමන් ස්ලේයර් [S03 : E02] Sinhala Subtitles | නැවතත් සටන් පුහුණුවට [සිංහල උපසිරසි]

ඔන්න සතියකට පස්සෙ උද්‍යෝගීමත් Demon Slayer Season 3 Episode 2 හි සිංහල උපසිරැසිය එක්කයි මම ඔයාලා හමුවට එන්නේ. මුලින්ම හොඳ වර්ණනාවක් ගෙනාවත් එක්ක පළවෙනි කොටස මේ වෙනකොට හැමෝම නරඹලා ඇති කියල විශ්වාස කරනවා. අපි දැන් කලින් කොටසේ සිද්ධ වුනු දේවල් කෙටියෙන් මතක් කර ගනිමු.✌️

Season 2 හි ඉහළ නිළයේ හයවෙනි යක්ෂයා එක්ක සිද්ධවුනු විනාශකාරී භයානක සටනින් තුවාල ලබපු තන්ජිරෝ ඇතුළු කණ්ඩායම මාස ගණනක් තිස්සේ සුවය ලබමින් ඉන්නවා. තන්ජිරෝට කලින් සුවය ලබපු සෙනිට්සු සහ ඉනොසුකේ දෙන්නාට වෙන වෙනම මෙහෙයුම් පැවරිලා ඒ දෙන්නම ඒ වෙනුවෙන් පිටත් වෙලා යනවා. හැබැයි ඉතින් මේ සටනින් වුනු තුවාල නිසාම තන්ජිරෝට තමන්ගෙ යක්ෂ නාශක ගමනේ අසිපත් පුහුණුව ආයෙත් පටන් ගන්න සිද්ධ වෙනවා. ඒ මදිවට ආයෙත් පාරක් අන්තිම සටනෙදි තන්ජිරෝ තමන්ගෙ අසිපත කඩා ගත්තු නිසා දැන් අසිපතකුත් නෑ. සටනින් පස්සෙ මාස ගානක් ගත වුනත් තාමත් අලුත් අසිපතක් ඇවිත් නෑ. මේ නිසා තන්ජිරෝ තීරණය කරනවා එයාගෙ අසිපත් සාදන්නා වෙන “හගනෙසුකා” ව හොයාගෙන අසිපත් සාදන්නාගේ ගම්මානයට යන්න. සැඟවුණු ගම්මානයක් විදිහට තියෙන මේකට යන්න තියෙන්නෙත් හරිම අමුතු විදිහකට.

කොහොමහරි අසිපත් සාදන්නාගේ ගමට ගියායින් පස්සෙ තන්ජිරෝට ඒ ගමේ ප්‍රධානියා, ලව් හෂිරා (Love Hashira) සහ වින්ඩ් හෂිරා (Wind Hashira) ගේ මල්ලි වෙන ගෙන්යා ෂිනසුගවා මුණ ගැහෙනවා වගේම ගමට ප්‍රසිද්ධ උණුදිය උල්පත්වලින් නාගන්නත් ඉඩ ලැබෙනවා.

ඒ අතරෙ තවත් තැනක, හරියටම කිව්වොත් Infinity Castle එකේදි ඉහළ නිළයේ යක්ෂයින්ගේ හමුව සිද්ධ වෙනවා. යක්ෂ ප්‍රධානී කිබුට්සුජි මුසාන්ගේ ප්‍රධානත්වයෙන් සිද්ධ වෙන මේ හමුවත් සුපුරුදු විදිහටම හොඳ විදිහට පටන් අරන් හොඳ විදිහට ඉවර වුනේ නෑ. ඒ අතරෙ ඉහළ නිළයන් අතරෙ සීතල යුද්ධයකුත් පැතිරෙනවා. මීට කලින් කවදාවත් Demon Slayer ෆෑන්ස්ලට දකින්න නොලැබුනු වගේම දකින්න බලාපොරොත්තුවෙන් හිටපු ඉහළ නිළයේ යක්ෂයින් හැමෝගෙම මුහුණු දැකගන්න පහුගිය පළවෙනි කොටසෙදි ඉඩ ප්‍රස්තාව ලැබුනා. ඇත්තටම හුඟ දෙනෙක් බලන් හිටිය මුහුණ වුනු ඉහළ පළවෙනියා කොකුෂිබෝ (Upper Rank One:Kokushibo) ගේ මුහුණ දකින්න ලැබුනු එක හැමෝගෙම ලොකු hype එකක් වුනා කියල කිව්වොත් මම හිතන්නෙ මම වැරදි නෑ.🔥

යක්ෂාධිපති මුසාන්, ඉහළ පස්වෙනියා වෙන ගියොක්කො (Upper Rank Five:Gyokko) ට රාජකාරියක් පවරනවා. ඉතින් ගියොක්කො ඉහළ හතරවෙනියා වෙන හන්ටෙන්ගු (Upper Rank Four:Hantengu) එක්ක යම් කිසි තැනකට පිටත් වෙනවා. ඒ අතරෙ අසිපත් සාදන්නාගේ ගමේදි අහම්බෙන් වගේ තන්ජිරෝට මිස්ට් හෂිරා (Mist Hashira) ව දකින්න ලැබෙනවා. ඒත් එක්කම තවත් කෙනෙක් හෂිරා ළඟ හිටගෙනත් ඉන්නවා. නිකන් තන්ජිරෝ හීනෙන් දැකපු කෙනා වගේම කෙනෙක්. ඒ කවුද? අද කොටස එතැන් පටන් දිග හැරෙනවා. බලන්නකො එහෙනම් මොකද වෙන්නෙ කියලා.

උපසිරැසිය ගැන පහලින් ඔයාගෙ comment එක දාගෙන යන්නත් අමතක කරන්න එපා.තව සතියකින් Demon Slayer Season 3 Episode 3 වලින් මුණගැහෙමු.

ලංකන් Weebs වෙනුවෙන් – ඉසුරු සංදීප

Episode Name : Yoriichi Type Zero
Air Date : 2023.04.16
Runtime : 24 min.
IMDB Rating : 7.5

  Due to copyright issues, we do not provide any torrent links

ලබා දී ඇති උපසිරසියෙ WEB පිටපත සදහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ලංකන් Weebs” කණ්ඩායමට අප සැමගේ ස්තූතිය හිමි විය යුතු අතර උපුටාගැනීම් සියල්ලම එම කණ්ඩායමේ අවසරය මතම සිදුවිය යුතුය.[/author]

Subtitle Contributor Rank

BRONZ MEMBER
JOINING DATE – 2021-02-08
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]