Criminal Justice: Behind Closed Doors [S01 : E03] Sinhala Subtitles | සාධාරණ සැකයක්!! [සිංහල උපසිරසි]

Disney HotStar වෙතින් එළිදක්වපු අලුත්ම හින්දි කතාමාලාව Criminal Justice : Behind Closed Doors, 2019දි විකාශය වුණු Criminal Justice කතාමාලාවෙම තවත් දිගුවක්. කතාව සිංහලෙන් රසවිඳින්න ඕන අය මේ වෙද්දීත් අපි එක්ක එකතු වෙලා තමයි ඉන්නේ. IMDb අගය 8ක් ලෙස සටහන් කරගෙන ඉන්න මේ කතාමාලාව රචනය කරලා තියෙන්නේ අපූර්වා අස්රානි විසින්. රංගනයෙන් දායක වෙන්නේ පංකජ් ත්‍රිපාටි, කීර්ති කුල්හාරි, අනුප්‍රියා ගොඑන්කා එක්ක ජීෂු සෙන්ගුප්තා. ඉතින් මේ අරන් එන්නේ තුන්වෙනි කොටස. කලින් කොටස මතක් කරගෙනම ඉම්මු.

මාධව් මිශ්‍රා මහත්තයා නඩුව බාරගන්න කියලා මුම්බායි ආවා. සේවාදායකයා ලොකු අත්තක් කියලා හිතාගෙන මනුස්සයා වැඩට බැස්සත් එතනත් පොඩි කොස්සක් පෙනුනා. අනිත් අතින් අනූගෙන් පවා මාධව්ට සහයක් හම්බවුණේ නැහැ. කිසිම ප්‍රශ්නයකට උත්තර දෙන්න කට ඇරියෙත් නෑ. කියපු එකම දේ තමන්ගේ දුවව බලන්න ඕන කියලා විතරයි. ඔය අස්සෙන් පොලිසියේ ප්‍රධාන් ජෝඩුව එයාගෙන් වැරැද්ද පිළිගන්න විදිහට කටඋත්තරයකුත් අරන් තිබ්බා. ඉතින් මාධව් හැදුවේ උසාවියේ අනූ ලව්වා ඒ කටඋත්තරේ ප්‍රතික්ෂේප කරගන්න. වෙච්ච දේ දැක්කනේ. ප්‍රධාන්කාරයා මේක ඇඟට අරගෙන වැඩිත් වගේ පේනවා. මොනා වුණත් රඝු සාලියන් වෙනදා වගේම විමසිලිමත් විදිහට වැඩ කරන එකත් සුබ ලකුණක්. ඔය අතරේ මාධව් ගිහින් අනූගේ මනෝ වෛද්‍යවරයා මොක්ෂ්වත් මුණගැහුනානේ. ඒ වගේම උසාවියෙදි එයාගේ පරණ හවුල්කාරයා නිඛත්වත් හම්බවුණා. දෙන්නා ආයේ එකතු වෙලා වැඩේ ගොඩ දායිද? නිඛත්ට නම් කිසිම අදහසක් නෑ එහෙම. මොකද මාධව් එක්ක එකතු වෙලා වැඩ කරපු නිසා එයා ඉන්නේ වැලේ වැල් නැතුවනේ.

අද කොටසත් එක්කත් එකතු වෙන්න එහෙනම්. සුපුරුදු විදිහට කුතුහලය පිරුණු රසවත් කොටසක්. නැවත හමුවෙමු.