Rudra: The Edge of Darkness [E03] Sinhala Subtitles | ලේ පිපාසිත සිත්තරා [සිංහල උපසිරසි]

එහෙනම් කට්ටිය මේ වෙද්දිත් ඩිස්නි හොට්ස්ටාර් වෙතින් නිකුත් කරපු මේ අලුත්ම හින්දි කතාමාලාව ගැන දන්නවා. මේ කතාමාලාව අනිත් කතාමාලාවන්ගෙන් විශේෂ වෙන්නේ මේකට ඉන්දීය සිනමාවේ සුපිරි තරු අජේ දේව්ගන් ප්‍රධාන චරිතයෙන් එකතු වෙන නිසා. අනිවාර්යෙන්ම මේ නිසා රුද්‍රා කතාමාලාව සාපේක්ෂව වැඩි දෙනෙක් නරඹන කතාමාලාවක් වෙයි කියලා සහතිකයි. ඇත්තටම මේ කතාමාලාව Luther කියන කතාමාලාවේ නිල ප්‍රති නිර්මාණයක්. Luther බලපු කෙනෙක්ට වැඩි දෙයක් විඳින්න නැති වුණත් නොබලපු කෙනෙක්ට නම් මේක හොඳට රසවිඳින්න පුලුවන් වෙන කතාමාලාවක්. අජේ දේව්ගන්ට අමතරව ඊෂා ඩියොල් රුද්‍රා සඳහා එකතු වෙලා තමන්ගේ බොලිවුඩ් පුනරාගමනය සටහන් කරනවා. ඒ වගේම රාෂි ඛන්නා පිස්සු හැදෙන චරිතයකින් රුද්‍රා වෙනුවෙන් පෙනී සිටිනවා. මීට අමතරව අතුල් කුල්කර්නි, අශ්විනි කල්සේකර් කියන ප්‍රවීණ නළු නිලියනුත් රුද්‍රා සඳහා එකතු වෙනවා.

කොටස් දෙකක් මේ වෙද්දීත් රස විඳපු අය දන්නවා, කොටසින් කොටස වෙනස් වෙනස් අබිරහස් තමා රුද්‍රාට විසඳන්න ලැබෙන්නේ කියලා. මේ කොටසින් රුද්‍රා එක්ක හැප්පෙන්න එන්නේ කවුද,එසේ මෙසේ කෙනෙක් නම් වෙන්න බෑ. තවදුරටත් රස්තියාදු නොකර ඉඩ දෙන්නම් අද කොටස රස විඳින්න.

බබාට කෑම දෙන වෙලාවත් හරියාගෙන ආවේ.
ෂෙනාස් හනි හනික කෑම ටික හදාගත්තා
ඒත් එක්කමයි බබා අඬන්න ගත්තේ..
කෑම එකත් අරගෙන ෂෙනාස් දුවගෙන ආවේ,
බබාව සනසන වදන් ටිකක් කියාගෙනමයි.
ඒත් එක්කම දොරේ සීනුව වැදෙන සද්දේ ෂෙනාස්ට ඇහෙනවා
“අන්න තාත්තත් ඇවිල්ලා”
පුංචි අනයිනාව හුරතල් කරන ගමන්.
ෂෙනාස් ගියේ දොර අරින්න..
ඇය දොර බෝලයට අත තියලා,
දොර ඇරියා!!!!

පුංචි අනයිනාට, ඊට පස්සේ ඇහුනේ
එයාගේ අම්මා කෑගහන සද්දේ විතරයි..